جري العرف في الأفراح الكبري
ان أصحاب الفرح لا يتباهون بأسماء المدعويين الكبري لأسباب
اما خلاص أصبحوا مع بعض عمر وكلهم شبه بعض
أو فيه مدعويبن مسؤلين ولهم مصالح مع بعض، فمن غير الصحي لهم إبراز تلك العلاقات علناً مصالح بقا
أو فيه مدعويبن تم دعوتهم لزيادة العدد
أو شبطوا يعني رموا جتت بالبلدي وهذا كثير والسيدات والرجال اللي بيرموا جتت عشان يحضروا المناسبات معروفين بالاسم أما عندهم عيال علي وش جواز ولازم يتشافوا وكدا وعايزين من المجتمع دا عريس لبناتهم تطلع مشروع مايضرش
أو بعض ناس مالهمش عازة في الدنيا غير أبويا فلان وعلان
فعايزين يحضروا ويتصوروا وينزلوا الصور
لما بقا تلاقي فرح مسمع وفيه ناس مش لايقة علي بقية المدعوين نشاز يعني وماسكة الموبايل وهات يا صور وتنزلها علي وسايل التواصل الخاصة بها
دا له معاني كثيرة إي بقا؟
اولاً احنا اهه
ثانياً عندهم بيزنس ،بازارات، بنظموا حفلات، ببيعوا هدوم
ورد. ،،اي حاجة من اللي تجيب فلوس كتير بالهبل
فعايزين يوروا زباينهم انهم بيحضروا الأفراح دي و يبقي تسعيرتهم كبيرة
يبقي فيه زبائن أكثر ومن شريحة أكبر أو المحدثين لما يتعاملوا معاهم يدفعوا وهم ساكتين لانهم بيشتروا من اللي بيحضروا أفراح ناس عليوي مناسبين حكومات وأصحاب مليارات وبيصرفوا علي الفرح بالكام مليون دولار. يعنّي البائع والمشتري مستفيد من اللقطة اللي كلفها أصحاب الفرح بشكل مباشر منظرة مجتمع فشخرة خاوي أجوف
و يبقي فيه كرسي مجتمعي جديد
أومال مفيش قرش بيتصرف علي خروجة فرح وبالذات لو برا مصر إلا ولازم يتلم أضعاف
لازم يأخدوا صور وتنزل سوشيال ميديا
عندهم حكايات فالحضور والصور يداري بالبلدي غطي غطي
دا بالضبط
فعشان كدا لما تلاقي صور كثيرة لمعازيم من فرح بكثرة
مش أحداث
وانما أكل عيش ومصالح لهم وأغراض وحاجات في نفس يعقوب ورسائل غير مباشرة لناس خرجت من حياتهم أو في حياتهم محيطة بهم مثلاً كيد نسا علي شغل حموات علي شغل صحاب بيعلوا علي بعض
مش مجاملات ولا مشاركة فرح وحياتك منك لها له
وانما تغطية علي مركبات وإظهار انهم وجوه مجتمع وحياتك والبيوت مليانة
اللي عايزة تغيظ جوزها لانه مع فلانة
واللي عايز يثبت انه مشهور وبيتصور مع اي كرسي معدي مشهور المهم ينزل الصور ويقول أنا معروف
دا يفيده؟
اه بيشتغل سمسار بقا ويتنك
او هي تتنك
السوق غالبيته كدا
أنا اشتغلت الشغلانة دي 22 سنة وعارفة بيموتوا نفسهم علي الصور قد اي
السوشيال ميديا سهلت الدنيا
وحتي بقت سنية رمش العين وعنايات سيدهم سيدة مجتمع
أنا لما بشوف الصور بضحك لان بكل أسف فهماهم
اللي جايا من أين وعايزة تبني دنيا وناس ومجتمع حواليها وفتحت معاها علي الرابع أو
اللي
او اللي
صور صور وصور ولما يوصولوا لاغراضهم يبطلوا ينزلوا صور خلاص فنيتو
شهيرة النجار
and then