الخميس, ديسمبر 7, 2023
فن

أول انتاج مصري عن عصر توت عنخ آمون بطولة كريم عبد العزيز 2025

شارك المقال

لأول مرة في تاريخنا المعاصر.. بتعلن الشركة المتحدة للخدمات الإعلامية وشركة ميديا هب – سعدي جوهر، عن إنتاج أول فيلم عن تاريخ الدولة المصرية قديماً.

‏الفيلم هيكون في حقبة الدولة المصرية الحديثة وتحديداً سنة 1332 ق.م وهتدور أحداثه عن فترة من أبرز الفترات التاريخية في الدولة المصرية وهي تقلد الملك المصري الشاب “توت عنخ آمون” عرش مصر والجلوس عليه وبداية أحداث ملحمية كنتيجة لإضطرابات بتعصف بالإمبراطورية المصرية لأول مرة هنقدر نشوفها بعنينا بتمثيل وجودة على أعلى مستوى.. والعصر التاني اللي هيكون فيه الفيلم هيبقى فى القرن العشرين، وده الزمن اللي هيظهر فيه “كريم عبد العزيز”.

‏الفيلم كذلك هيتناول قصة إكتشاف أسرار مقبرته كاملة وكنوز الملك المصري الصغير، وهيكون بطولة “كريم عبد العزيز” وتأليف “أحمد مراد” وإخراج “مروان حامد”.

‏الفيلم هيتصور في 2025 وهيشارك فيه نجوم مصريين وعالميين وهيكون ناطق بالعربية والإنجليزية وهيتم إدخال فيه جزء من اللغة المصرية، وهيتنفذ بإستخدام أحدث الوسائل التكنولوجية، بالإضافة لعمل مراجعة تاريخية دقيقة للأحداث علشان نتفادى أي أخطاء تاريخية وتأثيرات درامية ممكن تأثر على العمل.

‏كمان العمل هيتضمن بشكل أو بآخر دحض أكاذيب وإدعائات أصحاب المركزية الأفريقية.

شهيرة النجار

error: تحذير: غير مسموح بالنسخ