أول صورة تجمع سامح الصريطي مع زوجته حنان بس سيبكوا هو محظوظ للأسباب دي

صورة تجمع بين الفنان سامح الصريطي والمطربة حنان بعد إعلانه منذ أسبوع زواجه منها
وان الزواج تم منذ شهر رمضان الماضي يعني مدة طويلة حسب تصريحه

الصورة التي جمعت سامح وحنان بتقول حاجات كتير

أولا

آراه زواج عقلاء مش ناس طايشة
زواج ناس عدت الستين ولها تجارب سابقة وخلفوا وعندهم أحفاد
يعني زيجة لراحة النفس لأن اللي بدخل في تجربة ويخرج منها خاصة الست وبعد مرور سنوات وهي جدة طبيعي سيكون التفكير نفسي انسجامي بحت
وله معايير معروفة في ذهنها أهمها انه مايجيش يلخبط لها نظامها الحياتي بعد العمر دا كله
يبقي لازم بينهم حاجات مشتركة كثيرة منها مثلاً يحافظ علي مستواها المعيشي الذي تعودت عليه ودي حاجات تجعل الست تروح توقع علي القسيمة وتتحمل مسؤولية مرة آخري وهي مرتاحة

ثانياً

سامح ما راحش اتجوز بنت عشرين سنة مثلما فعل كثيرون في الوسط الفني وخارج الوسط والنماذج كثيرة جدا
الرجل اختار اختيار الحقيقة محظوظ فيه
سيدة رقيقة
محتفظة بشكلها صحيح في تدخلات تجميلية لكن مش عاملة خدود مغطية علي عنيها ولا قالبة شفايفها زي…
الست عاملة حاجات لطيفة تنظر لها تقول دي حنان بتاعة الثمانينات مش حد كان اسمه حنان!
الست محافظة علي قوامها ماشاء الله تعالي
الست أصلا ربنا مانحها ملامح وبشرة حلوة
الست عاشت برا مصر كتير
يعني لفت وشبعت من الحاجات اللي ممكن اي حد يتطلع لها
لكن ليس معني ذلك ان لها حياة معينة
بالبلدي سامح وقع واقف محظوظ ست كبيرة سنا ومقاما وفي نفس الوقت شابة شكلاً
مثقفة واعية
حاجات كتير كدا
اختياره بيقول حاجات كثيرة منها انه رجل متزن رصين

وسامح أصلا مش معتمد علي الفن وحده لان له أشغال تجارية أخري ونشاطات روتاري وحاجات من دي من 25 سنة
تقريباً
وأتذكر ان كنت سبب سعده مرة لما نشرت صورة له في الروتاري تجمعه بمحافظ الروتاري وقتها اعتقد في 2006 أو 2007 كان حفل روتاري
المهم كان وقتها بيتعمل كاست مسلسل يتربي في عزو ليحي الفخراني
وقتها المخرج شاف صورة سامح
قال يااه
سامح دا من سنين
وسكنوه في دور ابن عم اعتقد الفخراني، حماده عزو

ورجع مرة أخري ما بقاش ملاحق شغل

نرجع لزيجته الرجل متزن واعي
اختيار موفق

ثالثاً

حنان بقا ما عملتش زي فنانات أو سيدات مجتمع نعرفهن وراحت تتزوج من شاب أصغر من بناتها؟
لاء
الست اختارت صح ومؤكد العاطفة كان لها دور مهم في حسم القرار

رابعاً

خيراً فعل انه لم يعلن موضوع زواجه
الناس صعبة
واصل هو ترك الأولي لحد ما ايه ..
واصل هي لسه عايزة تجوز وهي جدة
وعكّ المصاطب دا
عموماً هو ماشاء الله اختيار 10/10
ربنا يتم عليكما ستره
وخالص التبريكات

شهيرة النجار