اااشيخ : مصدقينك أبو ليلي : بناتي بتشتغل من غير واسطة ،،علي يدي ولا حببتي يا طنط أم المخرج ولا عيوني يا مرات المخرج !!

أحمد زاهر طالع يقول ان بناته بيطلبوا الشغل والبطولات من غير تدخله
ولا بالواسطة
ولا بالعلاقات الإجتماعية
ولا بالشلالية
ولا يا حبيبتي يا ماما المخرج
ولا ينور عيني يا مرات المنتج

ولا اي حاجة أبدا من دي
ولا ياسلام يا طنط إسعاد
ولا بابا تامر فين
والهدية في عيد ميلاد طنط
ولا رايحين عند مين نهشتك عيالهم
ولا نجامل مين
ولا حاجة من دي أبدا
أبدا
ابسوليتلي
ربنا عاطيهم
وهج كدا وسر الهي يعرفوا مين هيعمل مسلسل أو فيلم وكدهون
تلاقيهم فيه
إلهام بقا !!
كلنا مصدقينك يا أستاذ أحمد من غير حلفان طبعاً هما مثلوا لوحدهم زي اي حد في بر
مصر نفسه يمثل فبيطلب بشكل خاص و بيمثل عادي جداً بمنتهي السهوله ولا كأن في شباب وبنات موهوبين ودارسين ومتخصصين ومش عارفين حتي يقولوا جملتين في إعلان زيت أو يطلعوا بضهرهم في إعلان اكفل يتيم
ااااشيخ علي رأي فؤاد المهندس
بناتنا برضك وبدل قعدتهم في البيت
البنات رزق
وكل بنت بتيجي برزقها

شهيرة النجار