الخميس, يوليو 18, 2024
اخبار خفيفة

اخيراً بعد 12 سنة وأكثر المتحف اليوناني الروماني يعود يااااه

شارك المقال

افتتاح المتحف اليوناني الروماني أمس بإسكندرية خبر لم يجذبني تماماً
مش نظرة سلبية؟
أبدا
ولكن
لسبب بسيط ان الإنسان لما يظل سنة ورا سنة ينتظر شيء ولا يحدث يمل ويموت حلمه
هكذا مع قصة خبر افتتاح المتحف أمس
من الصدف اني كنت أتردد علي مدار عمر غلق المتحف علي الشارع
أجد السقالة منصوبة ولا عمل
حتي كنت اتجاذب الحديث مع بعض العمال وانتقد المشهد الذي كان يرثي له المكان
ظل سنين بدون وضع طوبة
وكنت اتعجب
يمكن مفيش ميزانية
شهر شغل وسنة توقف وهكذا طب ماللي أتعمل أكيد عوامل الطقس بهدلته؟!
شوية من 3 سنين كدا لقيت مكان السقالة اتغير
قلت معقول بعد السنين دي المسؤولين أخذوا بالهم ان المتحف مفيش طوبة وضعت فيه
كويس
شوية من شهرين كدا لقيت الدنيا علي قدم وساق
ادهن
ارصف
عمدان
كهارب العمارات المواجهة للمتحف بتدهن
جري اي؟
المتحف خلص أصل كان فيه معًونة من اليونسكو
واليونسكو رست علي شركة إيطالي والشركة الإيطالي عمل ترسية لشركات مصري هنا
والحمد لله تمت
ياااه
مش عارفة أعد السنين بس من قبل ثورة يناير أظن
طبعاً أصحاب العمارات ربنا كرمهم من وسع واجهة عمائرهم أخدت وش معتبر
والصرف والنور وكافة شيء
الجيل الحالي لايعرف شكل المتحف قديما
لكن المتحف كان ملاصق لمبني المحافظة قبل الاحتراق والهدم
وكنت بحكم عملي وترددي زمان علي المحافظة داخلة وخارجة علي المتحف وحتي البدروم أيام الأثري أحمد عبد الفتاح
كان موسوعة تاريخ
شفت البدروم للمتحف وشاهدات القطع الأثرية
وحتي ليلة الافتتاح شاهدت الدنيا واقفة علي قدم وساق وبس عموماً مبروك

شهيرة النجار

Welcome to حكايات شهيرة النجار

Install
×