الإمام الشافعي مره راح لشيخه وقاله إنه مبقاش قادر يقوم الليل بقي يكسل عن الصلاة بالليل !!
فشيخه قاله ” أنت رجل قد قيدتك ذنوبك “
يا خبر !!
الإمام الشافعي ربنا بيعاقبه بعدم قيام الليل عشان ذنوبه
- بيقول قعدت أسبوع أفتكر ايه الذنب العظيم أوي اللي أنا عملته أتعاقب بسببه العقاب دا ..
- لحد ما افتكر انه شاف شاب في المسجد بيصلي ومتأثر أوي وعمال يعيط !!
فقولت بينى وبين نفسي كده انه بيعمل كدا رياء ما كان يعمل دا في بيته .
بيقول إنه اتحرم من قيام الليل عشان أساء الظن بحد كان بيصلي وقال عليه انه مش بيعيط من قلبه وان دا مش خشوع . - متخيل معايا ان سوء الظن دا ذنب عظيم جدآ ممكن يحرمك من صلاة أو صيام أو بر والدين أو حتي صلة رحم ..
دا غير انه بيفسد العلاقات وبيأكل الود والمحبه .. - المحبه .. إني اعذرك .. أقول أكيد حجته معاه ..
- أنت عارف كام واحد اتكره بسبب فكره وحشه مجرد فكره بدون دليل مؤكد !!
عارف كام مليون واحد وواحده عايشين ضحية سوء الظن .. محدش بيعذرهم ويقول أكيد ليهم أسبابهم الخاصه ..
إن بعض الظن إثم .. متسيبش نفسك لشيطانك وسوء ظنك ..
أحد الصالحين قال إنه لو شاف ذقن اخيه بتنقط خمره هقول أكيد هي اللي وقعت عليها ..
سيدنا جعفر بن محمد قال : إلتمس لأخيك العذر إن كان له العذر .. طيب لو ماكانش له عذر يا جعفر ؟ قال : فإلتمس له 70 عذر ! زي ما بيقولوا كدا الغايب حجته معاه . استني اسمع واتأكد قبل ما تصدر حكمك على حد .
شهيرة النجار
and then