الساحل وسنينه وسهر الأكابر (3) كباريه الرقاصة

الصيف والساحل والهلس وموسم لم الفلوس والبكيني والعري والتقليب المالي والمعلمين وأولاد الكريمة وبنات التان
كل هؤلاء يجتمعون علي أرض واحدة هي أرض الساحل

فحتي 25 كان علي أرض العحمي
قبل30 سنة كان علي أرض إسكندرية
الآن الساااحل
كله عايز يسهر عايز يظهر
عايز يعمل مبسوط
المعلمين بتوع زماااان أوي أيام الانفتاح بتاع السبعينات واللي هم الآن اللي منهم أعضاء في إيه
وأولادهم وأحفادهم ملوك السوق اللي بشرطة
خلاص عدوا

طلع معلمين جدد
لإن لكل حقبة معلمينها وعشان يتأقلموا علي اللي فووووق لازم يمروا بالمرحلة دي مرحلة كباريهات الدرجة الثالثة والتي كانت منتشرة بشدة في كورنيش إسكندرية لحد ما هدوها وتبقي كام واحد أصحابها ماتوا وورثوا الكار لأولادهم وماشاء الله بعضهم كانوا أعضاء في إي

عدوا المرحلة دي. وانطفت الكهارب ياعم الأنوار يعني

مين بقا فاهم دماغ الناس؟؟
العوالم
وكار العوالم
عارف المطلوب
اديها رقاصة وحركات… وشوية بودي جاردات
واحد يغني شعبي والو الو نظام عدوية بس علي النازل بكل أسف
المهم فتحت رقاصة كباريه بين قريتين كبار معاويج وبعد الساعة 3. الفجر السهرة تحلي وعلي الباب فتحة دخول 1500 جنيه
أدخل بقا برجلك اليمين وكل واشرب وافتح ولبخ
وتلاقي المعلمين اللي لابسين بدل واللي. جابوا الفلوس ماتعرفش من أين
مين دول
دولا مين ودولا. مين
دول جيل الكحيانين
وكله بيرزق
لكن في هسيندا ومراسي الكباريه اسمه باب وريستروان
وتلاقي … هوانم هوانم أومال
ابتسم أنت في مصر

عامل بوفيه في محافظة إسكندرية

وعامل في كباريه يصبح نجم نجوم ويفتح كباريه برضك

الرقاصة بتاعة الساحل دي فكرتني بعامل بوفيه كان يعمل زماااااان في مبني محافظة إسكندرية وبعد الضهر علي باب كباريه
مرت الأيام .ذات يوم سعد له

وجد الراحلة تحية كاريوكا. ذاهبة للمحافظ وقتها أما حمدي عاشور أو فوزي معاذ. تأخد موافقة علي تعليق لافتات مسرحية لها مع زوجها. فايز حلاوة

عامل البوفيه جري عليها ووالله أنا موهوب جربيني
أخدته
أعطت له فرصة عمره

هوبا أصبح نجم أول ومسرح أول ويقف مشارك الوحش فريد شوقي البطولة كمان
ينسي الاوبيج ؟
أبدا دا في الدم

فتح كباريه علي كورنيش إسكندرية كان مشهور جداً لحد ل 19 سنة اللي فاتت كنت أعدي عليه وأنا بجري علي البحر لما كان فيه مكان الناس تمشي فيه
افتكرت القصة دي من روائع حبيبتي الراحلة الأستاذة عفاف توفيق مدير الإعلام الأسبق بمحافظة إسكندرية وشاهدة عيان واقعة عامل البوفيه الذي تحول لنجم النجوم
كل ما أمر علي الكباريه أكلمها وقتها تقول لي. دا بتاع فلان

مانساش أصله وحقق حلمه يبقي صاحب كباريه لأنه عارف إن فلوسه كتير وأكيد بجيب كل اللي يعرفهم الثقال هناك
دماغ شغال
المهم الفنان دا توفي. والكباريه بقا حاجه تانيه علي الكورنيش
كار ..

شهيرة النجار