السبت, مايو 25, 2024
دفتر احوال مجتمع مصر

تصريح لميس الحديدي ان الصيف اللي خلص بدري مستفز للغلابة والطيبين لآن صيفك غير يا ستهم!

شارك المقال

الأستاذة لميس الحديدي عملت تصريح بكام صورة حلوين خلفية صيف وأوروبا وهنا وقالت يا خسارة الصيف خلص بسرعة ماحسيناش بيه
الصيف اللي بادي من مايو نار للآن

طبعا أنتي تنتظري الصيف بفارغ الصبر
عندك في مصر في كل بقعة صيفية بيت
عندك في أوربا بيوت ماشاء الله
عندك في بعض الدول العربية بيوت
ليس عندك مشكلة في الانفاق
بالعكس عندما تأتين للساحل مثلاً الناس مقطعة نفسها عليكي يدعونك في المناسبات
والنزول حتي في فنادق يعني مش عارفة أكتبها إزاي
البرنامج ماشاء الله ،، أقل معد عندك بياخد بالعشرين ألف
شوفي أجرك كام؟
عارفة إنه اسبونسر وكل حاجة لكن فلووووس من أيام نهضة مصر وجرايد المال ومن زمان أوي أوي
تعرفي
أن فيه قطاعات بالهبل من الناس ما تعرفش تعدي البوابات للساحل
ولا حتي تخرج من بيتها
يا أستاذة الناس مش ناقصة استعراض
مش في محله

الصيف حلو مفيش كلام
أما تعيش في ساحل سعادة العبار
وتبلبط في زرقة هسيندا ومراسي
وتقوم وتصحي علي سهرة هنا
وعزومة هنا
وزهق شويا
نطلع باليخت
لاء علي اليونان
لا كتير أوفر
شويا تركيا
لاء دي حر
لبنان جميلة
لا المغرب تهبل
بقولوا المجر والبانيا رخيصة جدا ومن غير فيزا
يلا بينا
دا الصيف بتاع اللي يصيفوا
وعندهم أشغال كتير وفلوس أكتر
لكن اللي ما عندهمش شغل عشان ناس واخدة فرصهم؟!
واللي ما عندهمش فلوس عشان مايعرفوش …
لكن الصيف علي ناسه أصحاب الأرض الطيبة بقوا يخافوا منه ويلعنوه
الشتاء سترة ومحدش عارف البيوت ماشية إزاي
لكن صيفك غير
يادوب بتروحي شوبينج لبس البرنامج
أسبوع خلص
ويوم هنا
ويوم هناك الصيف خلص عندك حق

شهيرة النجار

Welcome to حكايات شهيرة النجار

Install
×