فنانة شهيرة كلمتني ورفضت أن أذكر اسمها قالت لي ماسكة راقصات الساحل والرقص والبارات
يا بنتي عادي جدا كل دا
احنا كام مليون؟
قلت 110 مليون تقريبا
ردت يعني لو بالساحل 50 أو 60 راقصة ودا رقم كبير لأن هيكون بالكثير 10 راقصات يتنقلن من هنا لهنا
برضه نسبة قليلة لمجتمعنا
زمان كانت إسكندرية المدينة علي صغرها فيها فنادق وكلوبات وبارات وأماكن سهر من خمس لنجوم حتي زيرو نجمة وكان لكل مكان راقصاته
اللي عايز رقص شيك ومكان شيك عنده فلسطين وشيراتون وسان جيوفاني
واللي عايز نص نص فيه
كازينوهات البحر زمان قبل هدمها
واللي عايز درجة ثالثة فيه فنادق درجة ثالثة أعتقد لازالت الفنادق دي موجودة في الكورنيش لكن بدون رقص
واللي عايز منقوع البراطيش فيه بارات كدا
فعادي دا من 100 سنة
والصيف يعني بحر وأكل وسمك
وكابوربا
وفريسكا
ومايوه
وبالليل رقاصة لازما حتما رقاصة
وللتنويع فيلم في سينما
أو مسرح
والناس الطيبة اللي مستورين بسببهم يلعبوا في المية
وبالليل يقعدوا في البلكونة يقزقزوا لب ويلعبوا كًوتشينة
لكن لازم الرقاصة والا يبقي مفيش نشاط سياحي
سياحة تساوي رقاصة
ولعلمك عندنا نقص كبير في الراقصات رغم إن بنات بلدنا واحنا ملوك الشرقي لكن عندنا نقص بدليل أن السوق غالبيته راقصات شرقي من كل الجنسيات
روس مع ان الروس كان دورهم في الشو الروسي ودمتم في الفنادق الفاخرة
الآن خربوا الدنيا
وأرمن عندك صوفينار جننت الناس
والارجنتين بلد الكورة بعتوا بناتهم يكملوا نقص الراقصات عندنا
ويونان
ومكسبك
كله
دا يدل علي مشكلة انقراض الرقص عندنا
وربنا يستر
قلت لها في نهاية الحوار
… والنبي لاهشه دا العصفور
وهات الازارة
ضحكت وقالت دا اللي أنتي فالحة فيه
عندها حق
والختمة الشريفة
شهيرة النجار
and then