إحدي مراسلات محطة عربية سألت محمد العبار علي هامش افتتاح فندق جديد له في الساحل وقالت له ::
يطلق الناس من مراسي وطالع مصطلح الساحل الشرير إي رأيك؟
أجاب :
شرير ليه؟ عشان بعض التصرفات اللي أحيانا بتكون غير لايقة؟
طب ما فيه كدا في دبي والسعودية وشوارع إنجلترا، وكل مكان بالدنيا
فيه كدا وفيه كدا
بالعكس أنا شايف ان يتقال عليه ساحل السعادة
أنا ليا بيت هنا وفنادق وأولادي وأحفادي بيجوا هنا وينبسطوا بالجو والأكل والناس وكل حاجة حلوة وبشوف الناس هنا كلها مبسوطين
علي الأقل محدش بيعاملنا معاملة درجة ثانية مثل أوربا
العبار طبعاً محق ألف المية
صاحب مال ويعامل معاملة صاحب المال
وبياخد مال بل أموال
ومن ساعة ما وصل الساحل كله إضرب في عشرة بل في ألف
والحجرة في فندق من فنادقه ب1200 دولار
والفيلا تباع ب200 مليون جنيه
طبعا هو ساحل السعادة له
يحق له
هو فيه أسعد من كدا
أسعدتني يا رجل
وسعيدة ليلتنا سعيدة
يا صاحب السعادة
أنت بحق من يطلق عليك صاحب ومالك السعادة
شهيرة النجار
and then