الناس بتكلم أن مهرجان الدراما الثاني بالعلمين
بكل فنانيه يا بختهم يا بختهم يا بختهم
راحوا واتلمعوا وتصوير
ونزول فنادق ببلاش مع أسرهم اللي اليوم أقله في فندق حجرة ب 50 ألف وفول بورد
في أجمل مكان بمصر
في أحلي أيامك يا مصايف
دا غير الفنانين والفنانات الموجودين بالفعل في قصورهم في الساحل ومقيمين هناك دائماً علي رأسهم صفصف الشهيرة بهالة صدقي
والحضور بمن وجد من أهل الساحل الفنانين والحبايب والقرايب وصحاب الصحاب
ويا أهلي يا جيراني
عايزين نأخذكم بالأحضان
قوم بعدها الجوائز للمهرجان تتوزع علي المسلسلات اللي هي إنتاج المتحدة أو المشارك في إنتاجها المتحدة اللي هي منظمة مهرجان الدراما
حاجه لوز اللوز
والجايزة دي لرمضان، لاء محمد رمضان ولا تغلي عليه
ودي لدا
ودي لدي
مرضي ياعم ؟
مرضي
وكل مهرجان وأنتم بخير والعملية في النملية والفيل في المنديل علي رأي زكريا موافي
الغرض ياناس تنشيط السياحة
اي والله
أصل الناس الثقيلة متعرفش مكان الساحل
شهيرة النجار
and then