عندنا تعيش البرامج يا عزيزي في أسوء حالاتها علي مر التاريخ بحبه، خنت،، عصبت،، عايزة دستة عيال!!!!! أي دا

زمان كان بيطلقوا عليا صحفية الفضايح لان بنشر أخبار مجتمع وصور أفراح واعلق مين متجوز مين ومين واخد قرض من البنك
ومين واخد أي وصفقات وتربيطات

وكانت البرامج تطلب استضافتي لمجرد عمل كمين لإطلاق لقب صحفيّة الفضائح
وكنت بعتذر عن الظهور لان عارفة أنهم عايزين يجرجروني لمنطقة أصلا غير سليمة
المهم بقا يا مواطن الكتابة الورقية التي ظللت عقود أدفع أعصابي ووقتي لان بقدم مادة مختلفة واحترمها والقاريء اتفق أو اختلف معي يحترمها لان لها حد
وتقدم جديد
وكانت ظاهرة
دي بقا تساوي أي جنب ما يقدم لايف لحم ودم علي الهوا ؟!!!
دا فيه اعترافات آخر الليل؟!!!

بقا عندنا بدل البرنامج عشره كلهم شغالين خالتي اللتاته ولحل المشاكل الشخصيه للممثلين و توفيق رأسين في الحلال ومين طلق ومين اتجوز ومين خان مين !!
يا جماااااعه الناس مالهااا بمشاكل البيوت والجواز والطلاق وليه أصلا بتسمحوا للناس تبقا طرف في ده ،،
وفي الآخر يطلع الممثل من دول بعد ما يخلص اللي عنده يقول
وهي الناس مالها ومالي؟!
مالها ومالي ؟!!
يوووه دا أنت طلعت دولاب ملابسك الداخلي هوا يا جدع !!!
ده زمان كان يقولك أبوك وأمك ميتدخلوش بينك وبين مراتك أنتو بقيتوا مدخلين الشعب كله في تفاصيل حياتكم وبكل أسف فئه كبيرة من الناس مساعدينكم علي ده لان غالبية الناس حاشرين أصلا نفسهم وعايزين يدخلوا في تفاصيل حياة كل الناس بيشوفوا ده حلو كمان !؟

شهيرة النجار