بتكلم مع ميشيل أحد
فينك مختفي؟
أبدا
مشغول وفي الصيف تعبت كتير
. ماكنتش بعرف أقعد براحتي كل الناس داخلة وخارجة علي اليخت في مراسي
بقيت أرجع إسكندرية من كتر زحام الناس عليا
قلت له أكيد طبعاً
طب مالك؟
تعبان و مشغول
المخرج خالد يوسف عايز يصور في اليخت بتاعي مشاهد من فيلم بيعمله
قلت له آه اسمه الإسكندراني ماله دا؟
قال فيه مشاهد كتير بالفيلم عايز يصورها عندي والحكاية دي عايزة تراخيص من هنا وهنا عشان يطلعوا يصوروا
قلت له طب ما كل الدنيا كانت بتطلع تصور عندك من غير تراخيص؟
رد الصور غير السينما والكاميرات
وأنا مش بعرف أقول لاء لو حد قصدني
قلت له معلوم
بس مين دله عليك
ما فيه عشرات اليخوت بالساحل راكنة اللي ب 2 مليون يورو واللي في الجونة ب 20 حجرة وفيه حمام سباحة وشاليهات
أنت يادوب يخت خمس ست حجرات يعني
ومفيش فيه حمام سباحة اشمعني انت؟
،،ما يروح يصور في يخت ساويرس ولا يصور في يخت من يخوت شلة الساحل صحابه؟
أنا عارف بقا هو طلب مني دا
يمكن لان الأحداث بتدور في إسكندرية واللي بتقولي عليهم في الساحل والجونة
وأنا بركن يختي مابين إسكندرية في الشتاء والصيف في مراسي
قلت له طب ما فيه كذا واحد عندهم هنا في إسكندرية يخوت
عموماً عشان أنت ميشيل بقا
سيبك أنت
أنت كويس؟
والله تعبان
ربنا يشفيك يارب
شهيرة النجار
and then