معركة علي السوشيال ميديا
عيب ياجماعة باسم سمرة مين اللي أحسن من أحمد السقا؟
نسيتوا إبراهيم الأبيض والجزيرة؟
السقا اللي يفك من باسم ثلاثة!
ومين طارق لطفي اللي تقارنوه بالكبير أحمد السقا
هكذا اكوانتات الفيس بوك تقف لمن أعلي من قدرات باسم وطارق التمثيلية في العتاولة أمام السقا
وكلام من نوعية المسلسل متباع باسم السقا وكدا
طبعا لا خلاف علي نجومية السقا
ولا خلاف انه ظهر مع طارق لطفي
ولا خلاف ان الحظ ساعده والعلاقات والسوق وقت ظهوره كان محتاج وجوه جديدة خاصة ان محمود عبد العزيز والفخراني وحسين فهمي ونور الشريف كبروا وقتها ومع زقات آل العدل ومع وجود علاقات الله يرحمه حما السقا محمد الصغير الجبارة داخل الوسط الفني
عدي السقا واخد فرصته والدعاية اللي كانت وقتها الراديو وبرامج التلفزيون والصحف لمعته واعطته الواجب وزيادة ،
فرحه علي مها الصغير حضره كل مصر من نجوم صف أول تقريباً
ودا كان له تاثير في مشواره الفني ودا عشناه وشهود عليه مش بتقرأ تاريخ دا كانّه انبارح
وأنه ياخد فرص لو كان طارق لطفي أخد ربعها كنا شفنا عادل أدهم جديد
لان بعتبر عادل أدهم وذكي رستم ماجاش زيهم
شر
باشا
حرامية
بسطاء
كانا نموذجين سيتكرر منهما طارق لطفي لو كان بدأ بدري ياخد فرصته
القصد
ان مفيش تقليل من قيمة السقا وإنسانيته كمان وجدعنته زي ما بسمع
لكن باسم حوت
وطارق لطفي هيكمل ثالوث عادل أدهم وذكي رستم
بس قيراط حظ
شهيرة النجار
and then