من مهازل الساحل في يومين شاكوش لجمهوره لما انصرف في ستين داهية ومغنية تيجي نتجوز في السر للجمهور الصنف مش تمام!!! كلمة السر الحريري

بعد ايقاف نقابة الموسيقيين لحمو بيكا وعمر كمال أسبوع!!
يأتي ثالثهم شاكوش الذي لم يتمالك نفسه عندما انصرف الجمهور عنه بأن بادرهم بقوله في ستين داهية
طبعا هيطلع بعد يومين يعتذر
أو حد يشير عليه يطلع يقول الكلام ملفق
لكن لا فن ولا… وكمان كذب وفضايح
هل هؤلاء واجهة فن مصر ؟
محدش يقول الناس عايزة كدا
الناس مش عايزة لا دول ولا دول
وعموما بادرة طيبة انصراف الجمهور عقبال الباقي
لكن بكل أسف سيتواجدون طالما فيه من يستفيد منهم
إنه ياسر الحريري متعهد الحفلات الآن المسيطر علي كل حفلات الساحل من أوله لآخره
استحضر مغنية تيجي نتجوز في السر
وهي بتغني لم تجد تفاعل من الجمهور
تسكت؟
لا وحياة المصطفي
اتهمت الجمهور بالتعاطي وان الصنف مش تمام
يطلع مدير أعمالها يدافع
طبعا لقمة عيشه بقا
ونظل في فترة مسخ
والنقابة كثر خيرها بتوقف
كلمة السر في المهازل دي والراقصات وخلافه
مدير أعمال ومتعهد حفلات

شهيرة النجار