الصورة ديه عند قبر حُسني مبارك، الحقيقة كل ما أعدي بشوف الست ديه قاعدة كنت فاكراها الأول محتاجة حسنة لكن اكتشفت انها قاعدة بتقرأ قرآن على باب قبر مُبارك، و لما ركزت لقيتها لابسة كويس جداً فمن الواضح انها بنت ناس، الفكرة اني بروح مشاوير بالساعات و بحكم سكني اللي جنب قبر الريس فبشوفها و أنا رايحه و أنا جايه و حرفياً بلاقيها بالساعات قاعدة بالمصحف و مش مركزة مع اللي رايح و اللي جاي مركزة في المصحف بس..
الحقيقة أنا معرفش هي قريبته و لا واحدة غريبة و لا مبارك ممكن يكون عملها ايه عشان تعمل كل ده، بس اللي فكرت فيها إزاي مستحملة حر و تراب شارع و قعدة على الرصيف بالساعات بس اللي متأكده منه ان اي حد أكيد نفسه ربنا يسخرله حد يفتكره كده بعد ما يمـ وت زي الست ديه ما بتعمل كده..
فاللهم سخّر لنا من يدعو لنا بعد موتنا دون ملل ويعمل لنا دون كسل اللهم ارزقنا بمن يستيقظ بالليل ليدعوك بأن تغفر لنا ذنوبنا ما ظهر منها وما بطن.
شهيرة النجار
and then