السبت, مايو 25, 2024
فن

والبني ؟!! والمسرحية اللي شغالة الآن في إسكندرية … أنت مصدق نفسك أ أ خويا

شارك المقال

وقعت عيناي علي حوار للممثل الكوميدي حسن عبد الفتاح


تحدث الفنان عن قلة مشاركته في الأعمال الفنية وعدم عرض أعمال جديدة عليه.

من خلال لقائه في برنامج “المنسي” عبر قناة “هي” إنه لا يعرض عليه أعمالا كثيرة في مصر لذا يحب أكثر السفر والعمل في الخليج لأنه يعرض عليه أعمالا أكثر، مضيفا: “أنا بحب السفر برا هنا كل فين وفين لما يتعرض عليا حاجة، لكن برا باخد دور وبمثل مع نجوم الوطن العربي من كل بلد، والأعمال مجزية أكتر كدور وفلوس وتعامل جميل والمواعيد مظبوطة، موفرين ليك عربية توديك وتجيبك، أنا بحب السفر جدا مسرح أو مسلسلات أو أفلام وكنت لسه في أبو ظبي صورت مشاهد في فيلم”. وطبعا تعجبت لان حاليا يعرض له في إسكندرية مسرحية وقعت عيناي صدفة عَلِي الافيش الخاص بها مع ابن محمد نجم وشيرين من عدة أيام.

وكشف حسن عبد الفتاح خلال اللقاء أنه عرض عليه دور البطولة من قبل لكنه رفضه خوفاً من الفشل ولأنه يفضل الأدوار الثانية ودور صديق البطل الذي تميز فيه قائلا: “اتعرض عليا البطولة لكن أنا حابب الدور التاني، أنا بطل في ملعبي ممكن أعمل بطولة والفيلم ميعديش واكتئب وأرجع تاني أعمل الأدوار التانية، وحصل الموضوع كتير زي مثلاً محمد لطفي عمل “عبده مواسم” وموفقش فيه ورجع للأدوار التانية والأستاذ ماجد الكدواني عمل “جاي في السريع” ورجع تاني للأدوار التانية”.


أنا مصدقاه في الجزء الأخير دا


لإن بيومي فؤاد لمًا شال فيلم وحده من عدة سنوات وقع ولما شال مسلسل كوميدي وحده استحضروا معه كل نجوم الكوميديا، خوفاً من الفشل


لأن تجارب الدور الثاني الكوميدي عندما تتحول لبطولة فردية تكون كارثية ولنا في أفلام عبد السلام النابلسي أسوة


الوحيد الذي نجح وكسر الدنيا بعدما كان سنيد البطل لفريد الأطرش ومحمد فوزي وأنور وجدي، هو إسماعيل يس دا حالة استثنائية كاملة متكاملة
حتي شكوكو عمل فيلمين بطولة لا نذكر له منها إلا عنتر ولبلب لكن كل أدواره الثانية علامات فنية محفورة بدونه لن يكون للعمل طعم


والدور الثاني له حوله لبطل شعبي جعل تماثيل تباع باسمه في الأسواق


في كلام حسن عبد الفتاح عقل
.

شهيرة النجار

Welcome to حكايات شهيرة النجار

Install
×