مؤكدً ان كثيرين تابعوا ما نشره أمس عبر حسابه بتويتر السيد وائل غنيم ولفت انتباه الكثيرين
بدون فدلكة نقرأ معا ما نشره
السلام عليكم ورحمة ًالله وبركاته
أخوكم وابنكم ابن تجربة عميقة وثرية في الدنيا والحمد لله ربنا منّ علي بكرمه ورجعت لديني بعد ما عشت بلا دين لمدة قاربت العشر سنوات.
قابلت ناس من كل صنف ولون، وجربت حاجات كتير ومشيت في طرق كتير واتصرفت غلط كتير وربنا شملني بعطفه وكرمه وفضله ومنه وأذن لي بالرجوع من طريق الغلط لطريق الصح.
في طريقي اتعلمت إن لكل إنسان طريقه. ودوري إني أشارككم بالصح اللي عشته واتعلمته في طريقي وأستر على نفسي في أي غلط عملته أو باعمله في طريقي. كل ابن آدم خطاء وخير الخطائين التوابون.
مش بانظّر على حد، بس اللي هينظر علي أو على المجتمع هانظّر عليه بنفس أدواته لحد ما كلنا نتعلم نبطل تنظير على بعض ونراعي اختلافنا ومنفرضش رؤيتنا على غيرنا.
اللي مهتم يتابع في صمت ده حبيبي بس لو قررت تقول رأيك فانتبه عشان لو رأيك موافقش ضوابط الأخلاق وهيجرني وغيري للجدل والعصبية وتضييع الوقت فالبلوك هيكون العلاج.
واللي بيكتب كلام فيه منطق إيجابي سليم أو انتقاد وتصحيح وبيبني على كلامي فدول أهم ناس باتعلم منهم في التعليقات. وكده كده كلنا مهمين لبعض طالما كنا محترمين وبنراعي حدود الأخلاق اللي أمر بيها الشرع الحنيف وبنحترم قوانين النشر الموجودة في بلد كل منا فأهلا وسهلا وحياكم الله في هذه المساحة.
ويصير خير …
الرحلة طويلة والطمأنينة هي الغاية.
هذا ما نشره. ومعني ذلك ان وائل كان بدون اي مذهب ديني يتبعه طوال السنوات العشر الماضية ؟!!
إنك لا تهدي من أحببت ولكن الله يهدي من يشاء
شهيرة النجار
and then