من عاداتي أنزل بنفسي أتسوق طلبات البيت الأساسية وأنزل سوق الجملة
لما تكون الطماطم ب 25 جنيه جملة وفي المحلات ب 30 و35 جنيه الكيلو!!
والبصل شرحه!!
والبطاطس الكيلو ب 15 جنيه جملة وفي المحلات ب 20 جنيه!!
والجرجير يباع بالعود والشبت والبقدونس بالعود ب 5 جنيه!!!
والجوافة ب 20 جنيه أرخص من الخضار
يعني نشتري الجوافة نطبخ بها الأكل أم نستبدلها في الوجبات الرئسية ؟
أمًا الخيار يبقي ب 20 جنيه جملة
يبقي لا نملك إلا قول لاحول ولاقوة إلا بالله العلي العظيم
اما كيلو البلطي يبقي ب 100 جنيه والبوري ب 140 جنيه وكان حتي عام قول عامين وصل بعد زيادة الدولار معرفش مرتبط بالدولار ليه كان وصل 30 جنيه ودًا أكل
الناس البسيطة
أصبح الآن ليس في متناول يد حتي اللي أعلي
يبقي لا نملك إلا قول لا حًول ولا قوة إلا بالله العلي العظيم
ويطلع علينا بعد يومين كدا عمرو أديب بعد ما جدد عقده أغلي مذيع في الوطن العربي كله وليس مصر
ويتكلم عن الأسعار ويرفع شعار أحمد ذكي في فيلم البيضة والحجر
أنا كلما غلا عليا شيء تركته واستغنيت
ويقول أن دي رخيصة
الأسعار دي بتهزر معاكم
وهو يتقاضي بالدولار
وقبله بكام يوم السيدة لميس حديدي عائدة من رحلة من اليونان مدعوة من زوجة رجل أعمال كبير أوي دافع عنه عمرو أديب بقوة من فترة وتختبر حال المصريين بقولها الصيف خلص بدري ما حسيناش بيه
واحنا اللي مكويين من الرطوبة والنار ومش عارفين نروح في حتة
يبقي لا نملك إلا قول لاحول ولاقوة إلا بالله
شهيرة النجار
and then