نشرت الإعلامية المتألقة ذات المكانة المحفوظة والمحفورة في وجدان الجمهور هالة سرحان علي حسابها الخاص ب X حاليا تويتر سابقا
وكأني اسمع صوت العظيم فؤاد المهندس يقولها بصوته
علموا أبناءكم
- اسمها “حضرتك” مش “أنت”
- اسمها “نعم” مش “ايه”
- وطي صوتك
- ماتحطش رجل على رجل قدام حد كبير
- ماتبقاش قاعد و سايب حد كبير واقف
- اقف بعيد عن الباب
- متتصلش بحد متأخر
- اقعد على الكرسي اللي مش كاشف البيت
- ماتزعلش حد في بيتك
- خبط على الباب قبل ما تفتحه
-كل من ناحيتك و ابعد الطبق عنك شويه
- قوم اول واحد من على الأكل لو معزوم
- استنى كلهم يقوموا لو أنت اللي عازم
- متزورش حد فجأة
- تدخل بيت حد تبقى أعمى و تطلع أخرس
-في بيت غريب ماتقومش من مكانك غير لما حد يقولك
- اقفلي رجلك و أنت قاعده
-افرد ضهرك و أنت قاعد
- أنزل مع أختك خدي بالك من اخوكي
- روح ودي دي لجارتنا و قولها ماما بتسلم عليكي
- شيل من عمو الأكياس دي
- قوم خلي طنط تقعد
- ماتطلعش ورا بنت السلم يا تطلع قدامها يا تستنى شويه و تطلع
- لو حد طالع وراكي اقفي في كورنر السلم عديه و بعدين اطلعي
- أنت مش أحسن من حد ولا حد أحسن منك
- ماتقارنش نفسك بحد
-قول شكراً قول أسف اللي يعتذر الأول هو الأقوى
- ما تشدش حاجه من أيد حد
-ماتسبقش حد كبير و أنت ماشي
-افتح الباب للكبير و للبنت
- باب مقفول تخبط حتى لو عارف ان مافيش حد
- قول الحق ولو على رقبتك
- لبس النادي ده مينفعش يتخرج بيه
- لبس البيت غير لبس النوم
- عيب دا أكبر منك
- دا حرام ويغضب ربنا
- بطل دوشة الناس نايمة
- متخليهمش يدفعوا .. أدفع أنت
- مترميش حاجه في الشارع
- نضف مكان مبهدلت
- متجيش ناحيتها دي أمانة
الناس المحترمين ولاد الأصول زمان كانوا بيربوا أولادهم كده و لو عايزين خير و بركة زمان ترجع لازم نربي أولادنا كده
شهيرة النجار
and then