بمناسبة سرقة نوال الدجوي فيه ناس واضعة فلوسها في شراء مدارس من بابها أو بناء مدارس

بمناسبة ماما نوال الدجوي وقضيه السرقة
أحب أقول ان من حسب معلوماتي اللي خلاص بطلت اكتبها ان لمقاولين وناس …. اشتروا مدارس خاصة من بابها لو سعر المدرسة مليم بيدفعوا عشرة مليم
واعرف أسماء
ومدارس كتير اتبنت خاصة
يكفي ان أقول لك يا عزيزي القاريء
ان إسكندرية وحدها المحافظة اللي قد كدا اتفاجئت ان اتبني فيها بعد ثورة يناير فوق ال600 مدرسة خاصة
قس علي ذلك القاهرة والمحافظات الأخري وغالباً عدد المدارس دي زاد لان دا حسب إحصاء من 7 سنين
فحضراتكم.
بتكلموا علي اي؟
تايكونات مصر بتشتغل في التعليم والصحة والأكل ودول عمرهم ما خيبوا أبدا

وكل كومباوند الآن فيه مدرسة وجامعة
وكل اي وليه وازاي
في الفم مااااااااااء
وناس كتير بتحب تستثمر فلوسها في المدارس لانك مهما طلبت وعملت في ولي الأمر أنت ماسكه من ايده اللي بتوجعه ضناه فيدفع ويتذل ويقطع من قوته ويعطي حتي لو مش هياخد مقابله خدمة وهيطفح الدم فمال المدارس متغمس بآهات وانات الأهالي الذين لا يجدوا بديل بالمدارس الحكومية التي .. والذين وبالتالي أرباح تلك المدارس آلاف الضعف مش ضعف ما يوضع آلاف إذا كان المدرسيين بيبيعوا ويشتروا ويتنكوا علي الأهالي متخيل بقا أصحاب المدارس ؟!! إذا كانت السفارات عندنا في مصر جل مالها من المدارس التابعه لقنصلياتها ملايين دخل سنوي لها من الاستثمار في التعليم أعرف واحد بيفتخر ان الناس الأكابر بيتذللوا له عشان يتوسط لهم ياخدوا ميعاد من زوجته درس لأولادهم تخيل ، متخيل كم الهدايا بالمدارس الخاصة وأرقامها للمدرسات بمناسبة عيد الأم ؟!! متخيل أسعار الرحلات والحفلات والحبشتكنات والذي منه ؟!!! المدارس مغارة علي بابا بجد والغريب بقا ان غالبية أساتذة الجامعات أصبح اتجاههم الآن ليس لفتح معامل ومستشفيات!! لا ابسايوتللي أصبح استثمارهم في بناء مدارس وكليات إسكندرية والطريق الصحراوي مليان اسماء اما القاهرة بقا عندك يوم تعد في منطقة مين وكام وازاي يا مدارسك يامصر ليه كدا موضوع ماما نوال دا ما كنا هاديين

المدرسة دكانرة

دا من كتر خير المدارس دي الدكاترة وخريجي هندسة بيهرولوا علي التقديم بالمدارس الخاصة يشتغلوا مدرسيين كيميا وفيزياء وبيولوجي وماث وكله المرتب من 50 ألف وطالع دا غير الدروس بال3 مليون في الشهر آه في الشهر والمبتدئ ب300 ألف دخل دروس يبقي الصحة والعمل بالشهادة يجيب دا؟ لذلك تجد كل الوسط التعليمي مش مدرسيين انما دكاتره ومهندسين ودخل عليهم محاسبي البنوك بعد الضهر بيشتغلوا مواد الاي جي محاسبة وخلافه تقليب عيش وشغاليين اون لاين بالرأس كل ساعة بالعشر أو عشرين طالب ولامن شاف ولا من دري وعندي آلاف النماذج دا فيه مهندس كان شغال في بيع البيوت في شركة مقاولات ودي دخلها معتبر لو صحت ترك الشغلانه دي واتجه للتدريس والدروس ودبح وهو لايفقه بجنيه علم المهم يعمل صيت وطالما فيه صيت بقا زي السكينة في الجاتوه موضوع المدرسين دا عايز النسف والدولة مش بتفتح ولا وزير التعليم ملف الناس اللي شغاله مدرسين وهم مش مدرسيين وأون لاين وفيه مكاتب سمسرة تحضر المدرس اون لاين أو للبيت ولها عمولة دي مكاتب الشغالات والسواقين كدا وعندي أسماء دا فيه ناس ما تعرفش تنطق حرفين علي بعض بتشتغل اي مادة كشكول وتدخل تاخد العيل من بابه ؟ ليه عشان الصبح يقدر يرد علي المدرس في الفصل لان المدرس ماعندوش وقت يعيد أو يراجع، المدرس مش بيفهم الطلاب وبالتالي لا مجال للجدال ابنك وابنتك هم اللي حمير ولن نضحي بمدرس أو مدرسه شايلين فصل فيه كام رأس ماهي بالرأس لذلك تتجه لاي حد يشرح بالبيت وخد عندك آلاف النماذج ليه كدا يا ماما نوال فتحتي الملف

شهيرة النجار