الفنانة نجوي فؤاد تحدثت في أحد البرامج انها قابلت الشيخ الشعراوي صدفة علي طائرة الغردقة فسألته عن الرقص
فرد عليها حسب تصريحاتها
انه طالما فتح الله لها بابا للزرق ونجحت فيه ومشت في السكة دي وطالما نجحك ربنا فيها يبقي هو اللي قسم لك كدا!!
والحساب عنده بقا
نفهم من الكلام دا اي؟
ان الرقص حلال حسب كلامها عن الشعرواي لها
ولا حرام ؟!!!!
العقل زينة يا جدعان
طب ليه ماقالش كدا لشادية؟!!
وليه لما اعتزلت تحية كاريوكا واتجهت لطريق الله قال لها ربنا يجعلنا من بركاتك
دا فيه مواقف بينها وبين الشعراوي منها موقف شهير هو
تحية كاريوكا والشيخ الشعراوي
الموقف الذي جمع تحية كاريوكا والشيخ الشعراوي، عندما رفضت حضور دعوى قضائية كانت قد أقامتها ضد طليقها لاسترداد الشقة التي استولى عليها، فسألها الشعراوي عن سر عدم حضورها، فكان ردها مفاجأة ، حيث قالت: ‘يامولانا فايز راجل متزوج ومعه بنت ومعندوش شقة، هياخدهم ويروح بيهم فين، هو هيتبهدل، وأنا خلاص كبرت ولا أقدر أنظف الشقة ولا أصرف عليها، وأنا الحمد لله الشقة اللي أنا قاعدة فيها كويسة وأنا راضية الحمد لله’.
شعر الشيخ الشعراوي بالغيرة من الفنانة المعتزلة تحية كاريوكا، وقال لها: ‘ ‘بدأت أغير منك يا تحية.. وبدأ يبني لك قصورا في الجنة ليس لها عدد
اشمعني هنا قال كدا وقال حسب كلام نجوي فؤاد لها الكلام دا
ولا ماقالوش أصلا
عموماً الحساب عند ربنا
شهيرة النجار
and then