محدش راضي بحاله حتي المدلع زهقان
الغني قرفان
الفقير طقهان
هكذا خلق الله الحياة
والإنسان في كبد
كله متكدر
محدش سعيد
لابترع مراسي وحنيش وهسيندا
ولا بتوع كرير والأمراء وبانوراما
ولا بتوع جمصة ورأس البر
كله عنده اللي يكدر عليه عيشته
الصور التاليه
هي مثال واقعي جدا جدا
للتالي :
مفيش حد علي كوكب الأرض
عجبه حاله
الراجل قاعد في يخت
طويل عريض
وخدم وحشم وخمر وجواري
وقرفان ن ن ن
ومتضيق وزهقان
ايه القرف ده
كل يوم كافيير أستكواز لحم وايكا و شامبانيا وحريم
كل يوم إنام وسط البحر في سرير ١٠ متر وغرفه مكيفه
حاجة تزهق
اصحي اقعد وافطر جو البحر
إيييه القرف والزهق ده ه ه ه
مفيش
واحد فلافل محشيه وفول من عند أبو كمال يا خرابي
مفيش
طبق كشري وصايه من محطة الرمل أو باب عشرة في الميناء
ولا صوبع كفته مشويه مع طحينه في نص بلدي
مفيش
شويه تين سلطاني ، ومانجه عويس إو فص
حاجه تزهقققق
محدش عجبه
شهيرة النجار
and then