كتبت الفنانة سحر نوح ابنة الكبير الراحل محمد نوح وزوجة الإعلامي الكبير مدحت شلبي عبر صفحتها الرسمية موجهة كلامها لمطرب السعودية محمد عبده.
كتبت كلمة إلي الفنان المحترم الكبير #محمدعبده حق حضرتك تشوف بلدك أعظم بلد في الكون وكل إنسان طبيعي إنتماؤه أكيد لوطنه إحنا نشوف مصر أم الدنيا وحضرتك تشوف السعوديه أبو الدنيا وغيرنا يوصف بلده بإنها ست الدنيا … لكن حفكر حضرتك وأفكرني إن مصر كانت قبله لكل فنان عاوز يتشهر وياخد فرصه وجواز مرور للفن في العالم العربي كله وأكيد حضرتك كنت منهم وكنت بشوف حضرتك وأنا طفله في استوديو
#النهار بابا محمدنوح في بداياتك وجيت واتصورت جنب الهرم ومسكت عود وعملت أول البوم غنائي وإتشهرت واترحب بيك في بلدك التاني مصر
ومن #مصر وبمصر حضرتك النهارده بقيت علم كبير من أعلام الفن السعودي والعربي وعن جداره وإستحقاق .. شوف حضرتك كده لو المصريين الفنانين والعازفين وقائدي الأوركسترا والكورال ومهندسين الصوت والإضاءة والشعراء والنجوم ماكانوش موجودين في الحفلات كانت حاتكون ليها الشعبيه والنجاح والإقبال الي حاصل ؟؟؟ أو هل اساسا كان حاينفع تتعمل ؟؟؟؟ .. يا سيدي الفاضل القدير #مصر و #المصريين تاريخ وخبره وثقافة وتعليم وبصمه في مطبخ الفنون بكل ألوانها سنين كتيييييييير نتعب كلنا في عدها .. بعترف إحنا كسلنا شويه ..أو ظروفنا ملخباطانا وتوهتنا شويتين …بس وعد لحضرتك وعهد علي نفسنا إننا أكيد قريب قوي حانفوق وحانشد حيلنا وننجح اكتر وحانفضل نساعد كل بلد عربي شقيق علي النجاح والتحقق في كل مجال وكل موهبه من كل البلاد علي الإنتشار زي ماعودناكوا .. وحضرتك تيجي تطربنا عن قريب في أم_الدنيا مصر
مصر جاءت ثم كتب التاريخ
كامل إحترامي ومودتي
سحر محمد نوح
مصر جاءت ثم كتب التاريخ
كامل إحترامي ومودتي
سحر محمد نوح
شهيرة النجار
and then