ايوا إعلانات بملايين الجنيهات
تصوير إعلانات
بانرات في الشوارع
إعلانات وهواء في التلفزيون
في المواقع الإلكترونية
والحقيقة ملايين
وبعض ولن أقول الكل من العمالة والموظفين تمد يدها
آيوا شاهدت ذلك بعيني
واستحرمت اصور السيدة الموظفة الجالسة علي باب مكان عملها يعني الست مش فارق معها حتي منظرها أمام زملائها
لاء وايه لو رحت لحظة خروج الموظفين تلاقي بعض الزملاء جايبين أكياس اشيء نعناع واشيء صابون يبيعون لبعض بالاكراه
وبعد كل دا تقول تطوير وتعمل إعلانات تدفع لفنانين ملايين وميزانية إعلانات قد كدا
وعمالتك مش عارفة تعيش؟
لا ياسيدي يامدير الشركة
وزع ميزانية الإعلانات والنجوم دي علي مرتبات موظفينك وحسن معيشتهم
يحسن الله لك
وهيعطوا إنتاج أضعاف
والفنانين أصلا مش محتاجين ملايين شركة
هم مستورين بكام مليون دولار
لاتقلق
ولا تخف من التارجت عمالتك دي هترفع مستوي التارجت
ارحموا من في الأرض يرحمكم من في السماء
يامدير الشركة الناس هتعمل اي والطماطم ب 30 جنيه
وحبة الطعمية ب 4 جنيه
والرغيف قد كف اليد
يا مدير الشركة
فلوس إعلانات الشركة اعد ترتيبها علي الموظفين الغلابة اللي عندك
انهم الموظفون في الأرض
سيرضي الله عنك وهتكسب برضه
شهيرة النجار
and then