خرج محمد عبد الوهاب، شقيق الفنانة المصرية شيرين عبد الوهاب، عن صمته، وقام بالرد على الاتهامات التي وجهتها الأخيرة إليه.
وقال في بيان: “كل واحد عنده قدرة على تحمل الأذى لكن للقدرة دي حدود، ده قرار النيابة العامة بالحفظ إداريًا في كل الاتهامات اللي اتوجهت ليا بتاريخ 19/12/2022 يعني من سنتين”.
وأضاف: “إيه هي بقي الاتهامات دي؟ كسر الضلع والعشرين راجل اللي دخلت بيهم على أختي، وطبعًا موضوع السكينة، واتسألت علي التوكيل بتاعي وبتاع أمي من وكيل النيابة المحترم وكله مثبت، س سؤال ج جواب، التوكيل اللي بتقول إن أنا أسأت استخدامه!”.
وتابع في بيانه: “وده إن دل على شيء فهو يدل على إني مش عايز أختي شكلها يبقي وحش قدام الناس وقدام جمهورها والأهم أمي اللي كنت مفهمها إن بنتها اتنازلت وأنا أستحمل أي حاجة إلا إنها تتوجع في ولادها.
وأوضح: “وبناء عليه رضيت بالظلم لوحدي لكن الحقيقة غير كده، أنا اتطلبت في النيابة واتسألت رسمي وتم إخلاء سبيلي من النيابة علي ذمة القضية لحد ما اتحفظت القضية بس أنتِ بقي بشطارتك وبأهل الشر اللي حواليكي اللي خسروكي نفسك وأهلك، خلتيني اليوم أطلع أقول جزء من الحقيقة للناس رغم إن ده آخر حل كنت أحب اللجوء إليه”.
شهيرة النجار
and then