علي ذكر مقال صلاح عبدالله تعتقدوا الموهبه أم الشلالية والعلاقات هي التي تجعل الفنان نجم ويعمل ومطلوب لآخر لحظة؟؟

نشرت مقال أعقب علي تصريح صلاح عبدالله انه أصبح ضيف علي المسلسلات والأفلام والحياة كمان
وجدت تعليقات كثيرة جداً منها السلبي ومنها الإيجابي
لكن هذا جعلني أعيد فتح ما انشره دوماً
هل الفنان محتاج موهبة؟
أم دعم من المنتجين والزملاء ؟
أم شلالية؟
أم كل دول؟؟

حتي يعمل ويتنجم ويظل يعمل لأخر نفس؟
الحقيقة
تاريخ الوسط الفني بيقول
ان منذ ظهور السينما وهي وتعتمد علي كل دول
وأحياناً بيكون مفيش موهبة والفنان يظل يعمل ويتنجم ويجمع أموال حتي آخر نفس

فاتن حمامة موهبة لكن دعمها زواجها من عز الدين ذو الفقار وهي كملت بذكاء العلاقات
سميرة أحمد غالبية زيجاتها منتجين وقدموها في بطولات وهي كملت
ومين أصبحت نجمة بفلوس زوجها وهي كملت؟
نادية الجندي
أنتج لها زوجها الراحل عماد حمدي أول بطولة لها بمبة كشر وبعدها كملت

وكونت شبكة علاقات قوية
نبيلة عبيد أنتجت لنفسها حتي سيطرت علي السوق
نور الشريف موهبة لكن حمي نفسه بشبكة علاقات جبارة وشركة إنتاج
فريد شوقي موهبة فذة لكن علاقاته الجمة جعلته لآخر لحظة مطلوب فنياً
وقس علي ذلك حتي نصل لعادل امام الذي كوّن شبكة من الفنانين كانوا رجاله يعملون معه حتي آخر لحظة

لولا علاقاتهم الجيدة به كان بالبلدي اطفي عليهم النور
خد عندك
عمر الحريري
رجاء الجداوي

نظيم شعراوي
سعيد طرابيك
أحمد راتب
وغيرهم
وهم كملوا وظبطوا حالهم
الآن الشلالية والعلاقات الإجتماعية والمجاملات مع السوشيال ميديا أصبحت عيني عينك

وطبعاً عندنا حالياً شلالية الرياض
ودي مش محتاجة كلام
في التمثيل والغناء وكافة شيء
علي رأي صفصف طبل لي تكسبني دا لسه آخر واحد مطبل هيعمل حفل هناك

مين يجامل مين في مشكله تخصه ضد زميل أو زميلة فيضمن انه مشارك البطل حتي ينطفيء نجمه
ومين قريب مين
ومين محسوب علي مين
ومين بينتج لمين
هي ماشية كدا طول عمرها
خرجت من الكادر للعلاقات الإجتماعية وما طورتش نفسك مع الشلاليات كلها
يبقي أنت برا

دا حال دنيا الفن
دا دمه خفيف علي بطلة العمل ودي دمها خفيف علي المخرج والمنتج والبطلة دي عايزة الكاست دا عشان ماتزعلش
والبطل دا عايز الشلة دي

ودي بتجامل صاحبتها تشغل لها جوزها
ودا بيجامل أخته يشغل جوز أخته
ودا علاقات حماه جامده يرشق في الحديد لحد مايتنجم
ودا أخوه فلان وكدا يعني
ودا عمه فلان واصل يتظبط
ودي أبوها فلان تتنجم

ودي جارة فلانة في العمارة وجروب النادي
ودا دمه خفيف علي الشلة دي يتنجم
ودا دمه خفيف في البلاتوه وعصفورة حلوة تمام
فلان مش بطلب كتير يجي

فلانه جت في دور شرف من غير مليم بترد لها بطولة وفلوس
جامل تجامل
أطلع أشكر النجم فلان والنجمة علامة وزعل فلان وأبعد عن ترتان

حصلت وبتحصل
وهتحصل علي طول
الوسط الفني زي بكرة الخيط أمسك طرف منه مش هتسيبه لحد آخر نفس
وعليك بالتصريحات المجعلصة
وترتيب حاجات كتير علي شوية كادرات
علي شوية ظهور فني
تعيش سلطان

شهيرة النجار