لما تلاقي مواقع إلكترونية معتبرة بتكب عن تطور الأحداث لمسلسل ما لحظة بلحظة اعرف انه مدفوع الأجر
والثواب عند الله
من جهه الانتاج أو البطل
لما تلاقي صور بطل مسلسل رايح جاي
أكل
شرب
طلاق
جواز
معناه ان صاحب الموقع الإلكتروني هو ذاته عنده شركة دعايه للفنانين بيتعاقد معهم لتلميعهم وكمان مسؤول عن جلب أعمال لهم مقابل عمولة معتبرة
جلب الحبيب بقا
لما تلاقي مواقع إلكترونية بتلمع شخص بعينه
مدفوع الأجر
لما تلاقي موقع إلكتروني معتبر بشتم شركة وبعد كام شهر بيمجد فيها وفي اللي خلفوها
اعرف انها مدرسة السبعينات القديمة مدرسة عبد العاطي
لما تلاقي مجموعة مواقع بتمجد في نفس واحد في عمل
اعرف انه تبع نفس ذات المواقع وصدرت التعليمات لانجاح دا
أنا بقا اللي عاجبني محمد سامي
سااابق بخطوات
واخدها من قاصرها وعنده دعايته من شهور فاتت
آه وحياة المصطفي واللي تعرف ديته
ادفع بالتي هي أحسن
فلا تغرنكم قصص النقاد دي والنقد الهادف
انه هادف لهدف آخر
إلا حفنة قليلة ماسكة علي مباديها
ودول لا يتعدوا أصابع اليد الواحدة
وعلي واحدة ونص
شهيرة النجار
and then