الناس أصبحت بين مدافع ومهاجم لعمرو دياب بعد قصة الصفع هذي ورد فعله الذي كان لأول مرة في تاريخه
ورد فعل الناس
ناس بتقول لعمرو
لازم تعترف انها راحت عليك خلاص الاعتزال دلوقتى أكرملك أنت كل يوم بتخسر شريحه كبيرة من جمهورك بسبب تصرفاتك وده مش لأنك مغرور بالعكس ولكن ده وضع طبيعى لأى راجل فى سنك داخل على الـ 70 سنه!!! ده سن راحه البال والهدوء أنت ما بقتش قادر تتقبل لمه الجمهور وزحمة المعجبين حواليك لأن طبيعى اى حد فى سنك هيبقي ماعندهوش طوله بال وخلقه يضيق دى سنه الحياة وموضوع الحفلات والافراح ده عايز شاب فى الثلاثينات مش الستينات ، لأن حتى ولو كنت أنت محافظ على مظهرك وستايلك شويه ولكن عقلك واقعياً هو عقل راجل داخل على السبعين ما بقاش يستحمل الزحمة واللمة والهيصة والتصوير وده وضع طبيعى لأى حد فى سنك ولازم تتقبل الأمر الواقع خلاص الدنيا مش دائمة لحد ده غير ان حتى شكلك دلوقتى ما بقاش زى الأول وعلامات السن كلها ظهرت عليك للأسف وأنا شايفة الكلام دا قاسي جداً
وناس شايفة ان عمرو أصلا مش في حساباته الجمهور لانه أصبح عمرو بتاع ايجيبت مش بتاع مصر
والمقصود بمصطلح ايجيبت انه أصبح لكريمة كريمة مليارديرات ومشاهير مصر
بل لأثرياء العرب
فليه تاعبين نفسكم علي ان عمرو ضرب واحد أو ماضربش
عمرو عدي من سنين طويلة مالياً وشهرة وعلاقات
وفي مكانة مختلفة
الحقيقة أنا مع الرأي الأخير في بعضه وليس كله
عمرو في مكانة مختلفة مالياً ومكانة
وشهرة
ولا يهمه هذا أو ذاك هو يهمه عمرو دياب فقط
وياريت الناس تريح بالها من الموضوع دا
حبيبك يفرفش لك الزلط وعدوك يتمني لك الغلط
الحقيقة
عمرو غلط والشاب غلط
الأول غلط في رد الفعل والثاني غلط في اقتحام مكان مش مكانه
لكن في النهاية عمرو أخذ رد فعل قانوني لانه بيحب عمرو دياب
شهيرة النجار
and then