لا ذنب إطلاقا ولا مسؤلية تقع علي الرئيس الحالي لحي شرف التابع له منطقة كفر عبده القابعة بين رشدي ومصطفى كامل
في حنفية الكافيهات والمطاعم التي افتتحت فيها آخر 14 عاماً وتحديداً بعد ثورة يناير وقتها كان كان هيكل وظيفي أخر بمديرية أمن. الإسكندرية حتي خرج معاش وتم ندبه للعمل بمحافظة الإسكندرية ثم ترقي ليكون رئيساً للحي حالياً منذ شهرين تقريباً
هو حي يعلم به العالم ربنا معروف وسمعته سبقاه
الكافيهات حولت المنطقة لأشبه بعشوائية كبري مع الشوارع الضيقة أصلا لها وقدوم الوافدين من خارجها تحولت لسويقة حرفياً
ولم يكتفي الشباب بتلك الكافيهات بل تجدهم يتسكعون في شوارعها بكل أسف وخاصة ميدان سانت جيني واللمبي والشوارع الخلفية وهات من كافة ما يخطر بالبال
ولسه مفتتح كافيه كبير جداً من أيام مكان محل جواهرجي كبير والكافيه ملاصق لكافيه آخر وكافيهات جنب بعض وفي وش بعض علي مقلي لب علي شوية ديكورات لزوم شد المعلوم أبو ألف جنيه من الزبون
المهم تحولت الكافيهات فيها لوباء
وحرفيا لايوجد مكان مفتوح مرخص بالمنطقه إلا ثلاثة تقريباً معروفين بالاسم
خلاف ذلك من العشرات مفيش تراخيص
بيحصل أيه ؟
جري العرف تطلع حملة من الحي وقفل يلا
والصبح يجري أصحاب المطاعم والكافيهات يدفعوا الغرامة مع تقديم وعود في السير في الإجراءات
أصل قدمنا ولسه لجنة إيه ما جتش
وأصلً العملية في النملية والفيل في المنديل
ويدفعوا الغرامة وافتح تاني
وتالت ورابع
وعادي حتي أصبحت معروفة أوقات النزول وقت الأعياد
عيد بقا وكل سنه وأنتم طيبين هو الحي مش هيعيد!!
وينفتح تاني
وهكذا منذ تلك السنوات
الحقيقة رييس الحي الحالي لا ذنب له في الوضع الذي آلت له المنطقة وأكررها
دي عايزة وزيرين معا يقضيان علي الأمر بقرار جريء
وزير التنمية ووزير الداخلية
غير كدا
سيبقي
وباق
الوضع كما هو عليه والساندوتش ب400 جنيه ياجدع
وكل طلعة وأنتم بخير
شهيرة النجار
and then