كلمني ناقد فني كبير قال لي أنتي تنتقدي تصدر مغنيي المهرجات بصورهم افيشات حفلات الساحل وخلفهم مطرب بحجم وتاريخ إيهاب توفيق؟!
الحكاية إن المطربين الكبار دول في التسعينات ماعملوش ماليا واحد من ألف من الأموال التي عملها بتوع المهرجانات
محتاجين يرجعوا يغنوا لو حتي في كلوب الحسين ويركبوا تريند ويعملوا فلوس
سمعتي عن واحد بقول أنا اشتريت في العلمين؟
سمعتي عن واحد اسمه كزبرة بقول ما يهمنيش النقابة توقفني عندي فلوس أقعد 100 سنة أصرف فيها وعنده بيوت في الساحل وأكتوبر وعربيتين أحدث موديل
وهو بيعك أغاني وعمره المهني عامين ثلاثة
بتلومي علي إيهاب توفيق !!
أو حتي مصطفي قمر يطلع مع راقصة درجة ثانية لإن السوق عايز كدا؟
لا تلومي
عبد الباسط حمودة لما عمل في العلمين حفل مع مصطفي كامل التذاكر بيعت عشان حمودة مش كامل
ودي النتيجة الطبيعة للهرم المقلوب
عبد الباسط حمودة انهارده إمبراطور مالي وشهرة
الجيل دا يقصد جيل إيهاب توفيق وقمر انظلموا
صحيح نجحوا وعملوا فلوس لكن مش بالملايين اللي عملها بتوع المهرجانات دي
الوحيد اللي في مكان مالي وفني ومكانة من جيلهم هو عمرو دياب
دا استثناء
شهيرة النجار
and then