لما تشوف مسلسل زي حكيم باشا وتشوف مسلسل زي الضوء الشارد مثلا وتقول ليه رفيع بيه له هيبة وحكيم باشا ولا بمليم هيبة؟!!

هو ليه مع ان الاتنين صعيدي والمفروض دلوقتي الانتاج أحسن والامكانيات أقوي بكتير وكاميرات وقصور وعربيات.
، بس لييييه تقتنع بكل حاجه بتحصل في الضوء الشارد مع انه كان قصه بسيطه جدااا مفهاش اي تعقيدات أو كتابه مبهره ومتقتنعش باللي بيتعمل دلوقتي رغم محاولتهم كتابه قصص وحوارات وصراعات ،،،

هقولك الإجابة بسيطة ( الاختيارت – الإخراج
مقدار موهبه الممثلين ) مش زي ما الناس متخيله ان القصة كلها في الورق بس ولا الإنتاج بس
هي عوامل كتييير قوي عشان عمل يتشاف ويصدق ،،
هل مثلاً مصطفي شعبان عامل هيبه للدور !؟
هل مثلاً راجل صعيدي كبير عيله هيبقي كل كلامه جمل قافيه وافيهات !؟
هل مثلاً الصعايده الحقيقين عندهم مغارات بباب خزنه حديد زي البنوك وعندهم مومياوات مرميه وفلوس ودهب وألماظ واحمدك يا رب !؟

جاوب كل الأسئلة دي هتعرف ليه الأعمال القديمة دي أكثر إبداعا وتصديقا عند المشاهد من الأعمال الحالية إلي معظمها رايح لاتجاه ( الاكستريم) أو المبالغة حتي تبدو أكثر ابهارا حتي لو علي حساب الشخصيات وعلي حساب تصديق المسلسل والأحداث نفسها ،،
في أوربا والدول المتقدمة

أفلام ومسلسلات السوبر هيرو ( البطل الخارق) مثلاً بتتقبل تعمل فيها اي حاجه مش منطقيه لانك عامل فرضيه له،، انما مينفعش مسلسل أو فيلم يبقي بطله عادي وشخصيات المفروض عاديه زي إلي نعرفهم و حياتهم فيها كميه الحاجات اللي مش متصدقه دي ،،
والكلام عامه وليس للمسلسل ده بس أنا بتكلم في ظاهره بس عشان دلوقتي ده المسلسل اللي في منطقه الصعيدي يعني .

شهيرة النجار