إذا سالت أي شخص بيحب السهر أنت فين يوم الجمعة ؟
يرد أنا في البيت
ليه ؟ سلامتك؟
أبدا أصلها ليلة مولد النبي فمن مغرب الجمعة حتي مغرب السبت ممنوع أي مكان يقدم خمور
آه عشان كدا
طب ما أنتوا بتشربوا في بيوتكم عادي هو فارق؟
إسكتي بقا الخمرة شاحة من السوق
ليه يانضري ؟
عندنا مشكلة والله يا أستاذة
أولآ طلع قرار إن اللي كان راجع من السفر يجيب معاه أربع زجاجات خمور أصبحوا واحدة فقط
ثانياً السوق الحرة أرففها خالية مفيش إستيراد
ثالثاً سعر الزجاجة أم ألف بقا ألفين
رابعاً اللي كان بيشرب زجاجه من اللي شاريهم ويبيع أو يهادي من بقية الأربعة خلاص بح فينيتو
رديت حاجة تقطع القلب وأنتوا هتعملوا إيه في الليلة دي ياعين أختك ؟
قاعدين في الييت زي الولايا هنعمل إيه يعني!!!
طب ماتروحوا تسهروا وتشربوا بيريل وتقعدوا تشيشوا في حتة؟
لاء خلاص هنقعد نتفرج علي نور الإسلام وفجر الإسلام أهو الواحد يطهر نفسه ويتوب له يوم ويريح معدته برضك
عندك حق
ليلة هيزعل فيها أصحاب المزاج
شهيرة النجار
and then