ليلي حمدي الشهيرة برفيعة هانم ودورها الغامض في حياة سعاد حسني وعلاقتها بعلاء ولي الدين

30 يونيو 1973، غابت عن عالمنا الفنانة الكوميدية ليلى حمدي، اللي الناس كانت بتعرفها بلقبها الشهير “رفيعة هانم” رغم إنها ماكنتش بطلة أولى، بس كانت من الفنانات اللي وجودهم يسيب أثر، ضحكتنا في أفلام إسماعيل ياسين، وشاركت في مسرحيات وبرامج إذاعية كتير.. لكن اللي مايعرفهوش ناس كتير هو دورها الغامض في حياة سندريلا الشاشة سعاد حسني
في روايات كتير اتقالت إن ليلى حمدي كان ليها علاقة بواقعة اتوصفت فيما بعد إنها كانت “فخ” اتنصب لسعاد حسني بتوجيه من شخصيات أمنية كبيرة في الستينات، واللي اتقال وقتها إن ليلى خدت سعاد لحفلة وهناك اتقدملها مشروب مُخدر، واتصورت صور مخصوصة تم استخدامها للضغط عليها.

سعاد نفسها حكيت القصة في تسجيل صوتي نادر، وقالت إنها ماكنتش فاهمة اللي بيحصل، وإن واحدة من صاحباتها كانت ورا اللي حصل.
والناس ربطوا الكلام ده بليلى حمدي، اللي اختفت بعدها من الأضواء وماتت في صمت بعد معاناة
ولحد دلوقتي محدش عارف الحقيقة الكاملة.. لكن اللي أكيد إن عالم الفن دايمًا وراه كواليس مش دايمًا بنشوفها.
اما علاقتها بعلاء ولي الدين الفنانة ليلى حمدي كانت زوجة الفنان سمير ولي الدين، وهو والد الفنان الراحل علاء ولي الدين.
ليلى حمدي كانت “زوجة أبو علاء ولي الدين” لكن مش والدته.

شهيرة النجار