تعليقات ونكات وقفشات الشعب المصرى على السوشيال ميديا تعكس اد إيه الشعب ده لا يستنسخ مزيج من الذكاء وقوة الملاحظة وسرعة البديهه وخفة الدم.. أخرجت منه أعظم نجوم الكوميديا فى العالم مش فى الشرق الأوسط ولا العالم العربى بس.
ومن ملاحظات هذا الشعب على السوشيال ميديا إستوقفتنى أحد قفشاتهم:
“طب لو واحد مصرى مش بيلبس غير جلابيه و راح بيها الأوبرا.. كانوا حيدخلوه؟”
وده سؤال هام وعلشان نثبت أننا شعب مثقف ومتحضر يعرف البروتوكول والاتيكيت لازم نجيب:
عادة ما يحدد فى دعاوى المناسبات والمؤتمرات والمهرجانات الرسمية زى الحضور ويكون “رسمى”.
وبعض الشعوب من من تستخدم الملابس الغربية للاستخدام اليومى العام، لازالوا يعتزوا بإرتداء “الزى القومي أو الوطنى أو الشعبى أو التقليدى”.
كلها مسميات لنفس الشئ وهو الزى الذى يعبر عن هوية منطقة جغرافية معينة.
وبروتوكوليا يعتبر “زيا رسمياً”.
ويمكن أيضاً إرتداء الزى الذى يعكس مكانة إجتماعية ( كتاج الملوك أو الأوشحة والنياشين) أو يعكس درجة وظيفية أو دينية.
وأيضاً يعد “زيا رسمياً”.
وعادة ما يتكون الزي القومى من هيئتين: هيئة للمناسبات اليومية، وأخرى للاحتفالات والرسميات.
أو حتى لحفلات الزفاف فى المناطق التى تقدر العادات والتقاليد.
ودخول الأوبرا فى جميع أنحاء العالم يكون بالملابس الرسمية وخصوصاً فى الحفلات السواريه اى المسائية.
ويمنع الكاجوال كالجينز والتى شيرت والشورت والشبشب.
لكن ما هو الزى القومي أو الوطنى أو الشعبى أو التقليدى في مصر؟
شهيرة النجار
and then