حلت الفنانة المعتزلة منال عبد اللطيف ضيفة على برنامج “قعدة ستات” تقديم مروة صبري ويعرض على قناة “ألفا اليوم”، وصرحت بالعديد من الأمور التي تصدرت بسببها قوائم البحث عبر محركات البحث “التريند”.
وصرحت منال خلال لقائها عن رغبتها في خلع الحجاب، بعد سنوات من ارتدائه، قائلة: “أنا مبحبش الروتين في حياتي، ففجأة كده لوحدي قولت مش عايزة أكمل شغل أنا عايزة اتحجب، وقرار الحجاب كان بقاله أكتر من سنة بيراودني لكن أنا كنت مترددة إلا أن الحمد لله ربنا شاء وصحيت من النوم قلت أنا هتحجب، وكان في التوقيت ده أنا شغالة مسلسل كيد النسا الجزء الثاني وكنت ماضية 5 مسلسلات واخدت القرار اني هتحجب وهقعد”.
وأضافت: وكلمت كل الناس اللي كنت لسه هبدأ معاهم شغل وقولت لهم أنا اتحجبت قالولي اتحجبتي إزاي أنتي شغالة مع فيفي عبده وعندك مسرح بالليل قولت لهم اللي بدأته هنهيه لكن اللي مبدأش مش هعمله وكان قرار”.
وعن قرار اعتزال الفن قالت: “يعني لما أخد قرار وافكر وأقول تمام هبدأ، وكل صحابي بيقولولي اقلعي الحجاب وأنتي محجبة ليه حرام، وكل الفنانين اللي اشتغلت معاهم قالولي كده في الفترة الإنتقالية بتاعتي كلهم بلا استثناء، ولما اتقابلنا في حفلات خارجية بعد كده بره كانوا بيقولولي ليه حد يغطي الشعر الحلو ده”.
منال عبد اللطيف بدأت مشوارها الفني في طفولتها بالمشاركة في برامج الأطفال منها “البرلمان الصغير” وبعدها في “بندق وبندقة”، واستمرت في التمثيل من خلال مسلسل “ضمير أبلة حكمت” وفوازير “جدو عبده”
شهيرة النجار
and then