وحش الشاشة وربع قرن علي الرحيل وذكريات المعمورة والعجمي وحكايات السهروالأصحاب رحل ورحلت خلفة حقبة من تاريخ صيف ومجتمع وفن وطن

كنت بشتري وش لفانوس سيارة اليوم من عند تاجر جمله اسمه …شوقي
فبجادل في سعر الوش اللي ثمنه كان 150 جنيه وفي خلال شهرين جعل سعره الضعفين
فقال لي حد يجادل أخو فريد شوقي؟
قلت له والنبي طب سبحان الله انهارده مر علي وفاته 25 سنة ربع قرن بالتمام والكمال
فإذا بالتاجر يقول بجد؟
هو أنا كبرت أوي كدا؟
قلت له ليه مش بتقول أنت أخوه ياجدع علي كدا نص مصر أخواته عشان تشابه الأسماء. دا أنت عمرك ماشفته؟
إذًا به يقول ومين قال لك طول عمرنا بنشوفه في المعمورة في بيته هناك
وكانت بناته رانيا وعبير صغيرين وكنا بنشوفه علي طول في الصيف لما كان عندنا شقة هناك قبل مانطلع الساحل ونبيع زي كل الناس

المعموة ووحش الشاشة

الحقيقة التاجر لم يكذب فوحش الشاشة رحمه الله كان يعشق المعمورة والمنتزه وأظن رانيا وعبير بنات الوحش لازالتا محتفظتان بشقتهم بها للآن

أعتقد صيف الطفولة لهما كان بالمعمورة وكل صور مجلات الموعد والشبكة للوحش وبناته في الصيف كانت من بلاج المعمورة

وشهدت قصص غرام المراهقة من فنان راحل ،، ومشروع خطوبة من ابن مذيعة راحلة معروفة وكان عم العريس وزير شهير رحل منذ سنوات قليلة

وكانت الناس غير الناس
والدنيا غير الدنيا
وكان المطرب محرم فؤاد لديه شقة هناك وابن المطرب محمد فوزي

كانت كريمة وفناني مصر بالمعمورة كله راح
وتغيرت الوجوه

أيام الوحش في إسكندرية تنطلق من المعمورة

كان فريد شوقي يلتقي بأصحابه في المعمورة والمنتزه وذهاب للسهرة في العجمي في كفر العجمي
وأندريا
وأنجلو

ووسط البلد في سان جيوفاني وميلاد نجوم مصر كان من هذا المكان ويابخت اللي يغني أو ترقص والوحش يكون موجود يا سعده ياهناه
من إيمان البحر
لزيزي سالم الله يرحمها

لماجد المصري وزوجته الأولي كانوا عاملين دويتو
حتي والدة المطربة أنغام وخالتها وخالها كانوا عاملين فرقه
عااالم ودنيا

وصالات سهر المنتزه والحج رمضان وفيتيسيا الذي كان مشاهير مصر يسهرون به
وأماكن سهر المعمورة
وزفيريون دنيا

لن نتحدث عن تاريخ وحش الشاشة
فتاريخه معروف وحياته وأعماله للكافة
معروفة فريد شوقي
وحش الشاشة ملك الترسو

إسكندرية عند ملك الترسو غير فقد شهدت أرصفة ميناءها نجاح ساحق لرصيف نمرة 5
شهدت مولد ملك الترسو من مشاهد أفلامه المحفورة في وجدان الجمهور منذ الخمسينات تاريخ صعود النجومية والتألق والمجد وأشهر أغنية شعبية لإسكندرية علي لسان زوجته السابقة الراحلة هدي سلطان من بحري وبنحبوه علي القمة بنستنوه

فجعلت المصطلحات الشعبية السكندرية كأنها اللهجة الرسمية لجموع أهل إسكندرية

ولا باقي إلا وجه الله

شهيرة النجار