عدد الأعمال العربية المشاركة في مهرجان كان ٣ أعمال فقط لا يوجد اي اسم فنانة عربية مشهورة واحدة فيها .
رغم كدا أغلب الفنانات شاركت في المهرجان وطبعاً دافعين تمن التذكرة و تكلفة حضور الفنانة الواحدة بالتنقلات والإقامة و الملابس والمجوهرات ملايين الدولارات …..
يعني ياريت كانوا وفروا الدولارات دي لبلادهم اللي بتعاني من أزمات في العملة الأجنبية اللي بتأثر على استيراد بعض الأدوية الهامة
لبنان مثلاً معروف ظروفهم المالية وغير مالية علي أحد
ولا ياريت كانوا وفروها وعملوا أعمال فنية فيها إبداع تستحق المشاركة في أي مهرجان دولي ….. ويكون حضورهم بسبب مشاركة أعمالهم ….. مش مشاركة فساتينهم !!!
بس الخوف كله لو اتعمل معاهم لقاء وهيفاء وهبي طلبوا منها تغني …. أو طلبوا من ياسمين صبري تذكرلهم أهم أعمالها وعرضوا لها مشهد من فرصة تانية أو رحيل .
ياريت حتي عملوا زي فنانات الغرب واعلنوا تضامنهم مع القضية الفلسطينية حتي لو بمنديل
شهيرة النجار
and then