أرسل لي صديق أستاذ جامعي بوستا عبر الفيس بوك
من فرط خروجه عن المنطق سألته هل هذا حقيقي؟
قال بكل أسف نعم
والحقيقة لو هذا الأمر دقيق لاستوجب عزل من أصدر ذلك القرار
كليات طب القاهرة
عين شمس
الإسكندرية تقبل الوافدين من أبناء السودان ب 70% مجموع
وباقي كليات طب مصر تستقبلهم ب 75%
مش دا الخبر
الخبر جاي بعده
ان فرصة عظيمة
وبشري كبيرة
ان بدل ما تدفع 7000 دولار هتدفع 2100 دولار فقط
اي والله ولا كأننا في عروض كارفور
يعني دخول طب أعلي جامعات قمة مصر ب 70% للوافدين
واي بمايعادل100 ألف جنيه
أرخص من اي جامعة خاصة
أو أهلية كمان؟
دا عشان اي؟
تدخل عملة صعبة؟
ما تبقاش كدا
وهو أنك تستثمر التعليم تدخل ب2000 دولار ؟
وكمان ب 70%؟!!!
طب كنت فرط إيدك خليهم 5000 دولار!!
كنت خلي الدخول ب 85% تبقي مستساغة
دا طب القاهرة عين شمس والإسكندرية أول جامعات في الشرق الأوسط يا جدعان
وفي الآخر تقول خريجي طب من قد كدا
ولا خريجي طب بيتركوا مصر ليه ؟
واحنا اللي كنا بنقول ان خريج طب جامعة حكومية بمصر يفك 10 من خريجي اي طب خاص ؟
أنت ماسويتهاش حتي بالخاص
أو الأهلي
طب ولادنا طلبة مصر اللي طفحوا الدم وذاكروا وضعهم اي؟
طب اللي هيدخلوا هيلاقوا مكان في الزحمة دي؟
والأولوية لمين ؟!!
عارفة ان مصر طول عمر جامعاتها بتستقبل الوافدين
لكن مش بالوضع دا؟
وغالبية حكام العرب درسوا في مصر
وأبناء العرب علي رأسنا
لكن مش ب 2000 دولار وطب 70% يا ناااس
الجميل ان
بقول لك
أكثر من 30 ألف طالب سوداني سجلوا من أول يومين
طبعاً ودي حاجة تنساب
وبعدين يرجعوا يقولوا اطردوا الوافدين واللاجئين من مصر ؟!!
هاو يطردوا مين؟
بفلوسهم ياحبيبي
بدولاراتهم ياقلبي
ال 2000 دولار
ظبطوا إقامتهم رسمي نظمي في مصر
وعليك خير أو طلعوا
وأهاليهم معاهم
واي بقا الأخوة الفلسطينين والسوريين لهم 50% خصم!!!!
طب زعلانين ان نبرة ان مصر إفريقية ولازم ترجع لحضن السودان وأفريقيا ليه؟
احنا اللي بنعمل دا بأيدينا
وب 2000 دولار
محتاجين رد من وزير التعليم العالي سيادته لو قرا هذا الخبر
شهيرة النجار
and then