(2) زيجات حلمي بكر ١١ شرعي وعرفي كما ذكر بنفسه وليس 16 وحكاية أول زيحة له من سهير رمزي وطلب والدتها يده كمًا رواها

الراحل حلمي بكر ذكر بنفسه قصصاً وفصولا كثيرة من حياته في حوارات تلفزيونية مسجلة
ولكن أشد ما استوقفني حوار ذكر فيه ان زيجاته كانت 10 وليس 16 كما يردد الناس وكان ذلك الحوار قبل زيجته الأخيرة بالسيدة سماح القرشي

ذكر حلمي بكر ان الزوجة الأولي له كانت سهير رمزي
كان أول بختها وهي أول بخته

وكواليس الزواج انه كان في استوديو الإذاعة
وكان في الحجرة المجاورة السيدة الفنانة درية أحمد والدة سهير رمزي
سالت سهير والدتها من هذا يا ماما؟
قالت لها حلمي بكر ملحن جديد
عارفاه يا ماما عايزة أسلم عليه
جاءت والدتها بها وقالت لي سوسو عايزة تسلم عليك
وقتها كانت سهير 16 سنة تقريباً وكانت رفيعة جداً ولم تدخل مجال التمثيل أبدا
المهم نزلت وركبت عربيتي اللي والدي شاريها لي ما أنا ابن ناس وكنت لسه في بداياتي لكن عيلتي كبيرة
لقيت السيدة درية وسهير أمام الباب ينتظرون تاكسي فقلت لهم عيب لازم أوصلكم
وصلتهم
حلفوا عليا لازم أطلع أشرب قهوة
طلعت شربت قهوة

وجدت مدام درية بتريني ألبوم صور لسهير
لابسة مايوه
وحركات اي
قلت لها اي دا يا مدام درية؟
قالت كادرات صور عشان بجهزها تدخل مجال السينما؟
قمت أخذت الصور ومقطعها
وقلت لها لا
ونزلت
وكان دا أول يوم تعارف

مرت أيام.
وجدت اتصال من والدتها من مكتب المنتج محمد الألفي بتقول لي سوسو تقصد سهير
طابخة بايدها وعزماك علي الغذاء اليوم
حاولت الاعتذار رفضت
واصرت
ذهبت وبعد الغذاء

مدام درية طلعت فوق وتركتنا سوا ساعة اثنين
ثلاثة لما الدنيا ضلمت
نزلت وقالت جري اي يا ولاد
مش هتجوزوا بقا
قلت لها جواز اي يا هانم دا أنا لسه بادي حياتي
قالت أنزل يا حلمي اشتري دبل
وقد كان
نزلت واشتريت شبكة مش دبل
وتزوجنا

وبعد فترة دبت الغيرة وكانت خناقات بينا بسبب غيرتها عليا
ذات ليلة كنت سهران بخلص لحن حبيبي لمحرم فؤاد ومرسي جميل عزيز علي غرار فكرة أغنية جواب لعبد الحليم ودي كانت سبب زعل عبد الحليم مني
المهم سهرت
وخلصت معاهم اللحن
محرم اقترح نروح نسهر بعدها في مكان احتفالا بانتهاء اللحن
وفعلاً ذهبنا كلوب كان فيه عبد الحليم ومجموعة فنانين
مصور التقط صور لنا وثاني يوم نزلت في الجرائد وفيها راقصة
سهير شافت الصور اجنت عليا ومدينا إيدينا علي بعض
ودي كانت طريقة التعامل بينا
ما احنا كنا صغيرين بقا
وطلقني طلقني
طلقتها

وللعلم أنا علاقتي ظلت بها أحسن مايكون سواء هي أو اي حد تزوجته واطلقنا
بدليل ان أول فيلم لسهير كان فيه لحنين أنا اللي عملتهم ووقفت جنبها بعدها؟
المذيع؟
مش كنت رافض عملها الفني تقوم تساعدها بعدها؟
الراحل حلمي بكر: خلاص هي اختارت كدا واحنا بقينا أصحاب هقف في طريقها ليه
الله يرحمك ويحسن إليك يا أستاذ كنت حكاية

شهيرة النجار