نور الشريف ومحمود عبد العزيز نجمان من ذهب مسيرة متداخله معا جمعهم الفن
والحياة والجيرة والعشرة والظروف تقريباً
أول فيلم عملوه مع بعض كان اسمه يوم الحد الدامي
و كان نور الشريف ممثل صاعد و كان بطل اسمه علي البوستر اما محمود عبد العزيز فكان دور ثانوي حتي مكانش علي البوستر
بعدها فيلم الحفيد و كانت بداية توهج نور الشريف و كان التاني علي البوستر بعد ميرفت أمين و محمود عبد العزيز كان المرتبه التامنه
بعدها ييجي فيلم ابنتي والذئب اسم نور الشريف يتكتب الأول و اسم محمود عبد العزيز ميتكتبش أصلا
ييجي بعدها فيلم الشياطين و يبقي الفيلم ل نور الشريف بس محمود عبد العزيز ابتدي يتوهج فا اتكتب التالت بعد نور الشريف و حسين فهمي
يستمر نفس الوضع في فيلم ضاع العمر يا ولدي و الاتنين في توهج بس نور الشريف كان سابق
و ييجي بعدها فيلم اعدام طالب ثانوي و يبقي فيلم ل نور الشريف ومحمود عبد العزيز دور تاني و نفس الكلام مسلسل في عاشت مرتين بس المرة دي كان محمود عبد العزيز دور أصغر
ويجي الزغلول الكبير
عشان ييجي فيلم العار وقت ما كان الاتنين نفس النجوميه و يتكتب محمود عبد العزيز التاني
ووقت فيلم العار كان محمود عبد العزيز الأقل أجر بين نور الشريف و حسين فهمي و الترتيب اتكتب حسب الأجر
عشان ييجي فيلم جري الوحوش بعد كده و كانت نجوميه محمود عبد العزيز سابقه وقتها و اجره أعلي بس رفض اسمه يكتب الأول حسب تصريح المؤلف
و وتختم مسيرتهم مع بعض ب فيلم ليلة البيبي دول و لأول مره بيتقاسموا بطولة و افيش رغم ان طول عمرهم نفس النجوميه
الحياة
شهيرة النجار
and then