أهم نقطة نفسى أقولها من أول يوم مشاهدة فى رمضان، عن رامز جلال، جملة واحدة، البنات اللائى استضفتهن ربما لا يعرفن كوبر، تمام، لكن الأولاد بتوع مسرح مصر، الذين ذهبوا لـ«النحتاية»، مثل محمد عبد الرحمن، مش عارف شكل كوبر، بجد يا جماعة لا تستخفوا بعقولنا أكثر من هذا، انتم مسافرين وعارفين إن هيتعمل فيكم مقلب، والمفروض تتخضوا وتضربوا ومفيش مانع تشتموا.
أصول لقمة العيش، لكن مش للدرجة تبقوا قاعدين ومصدقين إننا مصدقين أنكم مصدقين أنه مستر كوبر، بالمناسبة حسين زين رئيس الهيئة الوطنية للإعلام، خرج بتصريح نارى قبل بدء موسم الشهر الكريم، قائلا إنه سيتم عمل رقابة ولجان على كل لفظ خارج بدراما رمضان، عقوبة «250» ألف جنيه، طيب تتر رامز «اللى يقول لك رامز انتهى قول دا عندها»، هل لا ينطبق عليه، أم أنه ليس عملا درامياً، طيب الإعلان الذى يظهر فيه محمد رمضان وبيقول اللى يقول لك عامل رجيم، قول له رمضان كريم!.. كل سنة وأنت طيب، وصحيح هل تم خلاص إجازة «يا ابن الكلب»، وبقيت من مفردات الدراما، عادى!
شهيرة النجار
and then