لا حديث في مصر كلها وليس الإسكندرية فقط إلا عند الواقعة التي حدثت ثاني أيام عيد الأضحي المبارك أمام أشهر محل جزارة بالثغر في حي جليم الراقي
حيث جمع الحاج محمد شهاب رجاله جميعهم أمام محله واستحضر شيخ خطب فيهم ثم أمسك بالمايك وبعد التحية
توجه لأحد رجاله الجالسين وقال له أنت خاين يا… أنت بعد 33سنه شغل معي عملت فيديو ووريته للزباين الكبار عندي وقلت أن أنا بعش في الميزان وبشتغل في لحمة مستوردة
محمد مصيلحي وأخوه عمرو قال لي يقصد رجل الأعمال ورئيس نادي الاتحاد السكندري وشقيقه عمرو من أهم زبائنه
والدكتور مصطفي وراني فيديو أنت عامله عني
كل دا ليه؟!!
عشان تطعن فيا
وأنا اللي وقفت جنبك وقلت لك كل أسراري وامنتك علي مالي وعربيتي
وجبت لك عربية وجوزتك وعملت عملية لوالدتك أنا آسف إن بقول كدا لكن دي الحقيقة
ولما قررت تنفصل عني ورحت تشتغل لوحدك وفشلت جيت لي وكنت هتتسجن دفعت لك الشيكات
أنت خاين يا….
وأنت كمان يا … ووجه كلامه لآخر وقال لهما أنتم مع فلان وفلان كنتم بتدبحوا للناس وترسلوا لهم وخطفتم زبائني وشوهتم سمعتي وأنا لم أقدم لكم إلا كل معروف
أنتم خونة إلا فلان وفلان
وأنت يا فلان كنت بتوصل الشغل للزبائن
الناس كلمتني وقالت لي وورتني فيديوهات عملتوها عشان تقضوا عليا
حسبي الله ونعم الوكيل
الكلام دا حصل في الشارع بالميكروفون
تجمعت المارة
وانتشر الفيديو الذي نشره الحج شهاب علي كل صفحاته بالسوشيال ميديا
ليصبح تريند مصر الأول غطي علي خناقة الساحل
وبيع تذاكر عمرو دياب وحفلته
والدنيا كلها لم يعد لها إلا سؤال واحد
هل محمد شهاب صح فيما فعله أم خطأً ؟
ناس اوي ان الرجل صح لإن رجاله خانوه وهتكوا شرف مهنته
وناس تقول إن الله حليم ستار
وأنت القاريء العزيز
رأيك اي؟
شهيرة النجار
and then