يوسف سباهي لمن لا يعرفه هو منفذ ومدير وصاحب مسابقة ملكة جمال مصر علي مدار سنوات طوال طلع راندا البحيري وهدي عبود وهبة السيسي وأسماء لا حصر لها حتي عشر سنوات مضت تركها وركب غيره عليها
وهو سليل عائلة من كبري عائلات الصناعة في الإسكندرية سباهي ذات الأصول الشامية لازالت أملاكهم تملأ المدينة آخرها قصرهم القابع حالياً في استانلي علي كورنيش الثغر أمام كوبري استانلي
يعني واحد عايش وسط جو وعالم عشر نجوم وشغلته يعرف الست الحلوة من الوحشة والرباني من التجميل
والفرق بين اللبس والعري
لف الدنيا كلها وصديق كل أهل الموضة والجمال يعني أمًا يكتب تعليق يبقي هو التعليق كتب يوسف علي صفحته
تحديث ؛ من يومين خرجت في مكان جديد حلو أوي في الشيخ زايد ، موسيقي تحفه و موود جميل وأكل حلو!!! و عمليات تجميل ل ٨٠ ٪ من الستات مرعبه و لبس مبتذل و أنا بلعقليه المتفتحه أما أقول مبتذل يبقي بصراحة 🤮🤮🤮، آي كم عمليات التجميل ( التقبيح ) البايظه دي !! و مش في الوش بس ده في مرتفعات من قدام و هضبات من الخلف و جبال من كل حته ، حاجه تخوف 🙈🙈
ولا تعليق
لكن هو وصف الوضع الحالي أمام الامام. يبدو انها استعدادات لهجوم الساحل والعياذ بالله ساحل كشف عورات المال والشعور ان فيه ناس فوووووووق وناس مش عارفه تخرج من بيتها
شهيرة النجار
and then