الأربعاء, يونيو 12, 2024
فن

أهو تريند قميص أحمد سعد خلي اجره ربع مليون في الفرح داخل القاهرة خارجها 750 ألف خارج مصر ماتعدش علي ساعة غناء: انتقاد الناس علي سعره انقدو كل يوم

شارك المقال

الحظ لمًا بهاتي يخلي أحمد سعد يلبس القميص النايلون والشبيكة في السعودية ويبقي تريند
ويزيد سعره والطلب عليه في أفراح أهل الخليج من 100 ألف دولار وطالع


وفي القاهرة ربع مليون مقفولة
وخارج القاهرة من 750 ألف لحد مليون جنيه كمان
علي ساعة غناء
أحمد سعد ينافس مطربي أفراح الصف الأول الآن وأصبحت فقرته ثابتة عند ولاد الذوات
والجدع يأخد ميعاد
أو يظبط ميعاد فرحه علي أجندة سعد
وأنت وسعدك بقا


سعد أصبح بديل فقرة الأفراح عن حمو بيكا وشاكوش اللي كانوا حتي 3 أعوام مضت موضة الكريمة بكل أسف
الشباب عايزينه وأصبح اللي يلبس القميص الشبيكة زي محمد رمضان كدا يطلع صارووخ
بفكرنا لما ممثلة تطلع جديد وتعمل كام مشهد في فيلم كدا أو تطلع بمايوه
تلاقي السيناريوهات نازلة ترخ عليها
ويا سلام لما تطلع بكام تصريح معتبر من عينة
البوسة لو متوظفه داخل الشخصية لا أمانع طبعاً
ولا مانع من دور إغراء
كدا اتعشت وأصبحت نجمة المجرة
المهم
لما فرح كدا فيه راقصة واثنين مطربين منهم سعد ومعاه إما حماقي أو تامر حسني دول بس قافلين ال 2 مليون جنيه دا غير الديكور والزينة والمكياج وفستان العروس والألماس
علي الفندق
علئ باكدج الأكل قفل كدا. بالميت لو فرح عادي وعادي جداً 10 مليون يا موحد بالله

علي فكرة اخر 3 شهور اتصرف قد الرقم دا
وفيه فرح دخل في100 مليون تكلفة
مصر بخير ياولاد!!
عشان كدا بطلت اكتب زي زمان تفاصيل وأسعار أفراح الكبار
الناس مش ناقصة
وربنا يفرح الناس دي
ويعدينا منها علي خير
الواحدة بسمع حاجات علي رأي
توفيق الدقن تشيب

شهيرة النجار

وسوم

Welcome to حكايات شهيرة النجار

Install
×