بينما يفطر الصائمون يطل علينا مزيج من الإعلانات السنوية التي ينتظرها المترقب
والسياسي والمالي بعين غير عين المواطن الغليان والعادي والملياردير
إعلانات بتقول بصوت عااالي مفيش فايدة
شلة مغنيين
وفنانين يتصدرهم سعد ومين يقبضوا كام مليون لعمل إعلانات وظهور
لبنوك وشركات محمول فاشلة تسرق المواطن علنا ولا رادع لها ولا رقيب واللي يفكر ياخد حقه يضرب علي قلبه
ماهو القرش بعمل العجب وعبده مشتاق في كل زمان ومكان
والورق ورقهم والدفاتر دفاترهم
والفايز شركة تنفيذ الإعلان وموظفيها
والمحطات التي تتقاضي والمغني
بنوك لم تستحي من نفسها انها فاشلة وبنوك حكومية ملايين تنفق لإعلان
وواحد ضحك علي الناس ولم كام مليار دولار
شركات محمول فاشلة لاتقدم خدمة شركة وي دي عندهم دم ؟!!
تستولي ولاتقدم خدمه وترفع الأسعار الدوبل ؟
طب خلي دعايتك الخدمه
خلي دعايتك الرحمه
بدل الاستيلاء علي أموال الناس بالباطل ورفع الخدمه بالاكراه !!!
رئيس الشركة بيعرف يضع رأسه علي المخدة وينام ؟!!
نجوم لعمل دعاية
قال يعني الناس مش فاهمة
النكته ان الناس تشاهد أول مرة من باب العلم بالشيء وبعد كدا بتقفل عليهم وحالها يقول مفيش فايدة
ولكن المفرح ان تلك الإعلانات بطعم فقد الشغف
والبرود ووسبحان الله ربما نزل عليهم عدم قبول من عنده
استعراض مادي لناس ….
وشوية ممثلين قال يعني ناقصين شغل وفلوس وغيرهم شغال 50 سنه وذات الشركات دي تعطيه راتب لا يشتري خبز حاف يطلعوا كمان يكملوا عليهم بضغط الدم
ماهي ميغة
وتورتة
وكلام صعب يكتب
شركات المقاولات اللي عاملة دعاية
مش هي برضه ذات نفسها اللي بتبيع برقم فلكي ولو المواطن تاخر في قسط تضع له غرامات ربع القسط
وشهر وتعمل قضايا عليه لو لم يدفع رغم انه لم يستلم
وشهر وياخدوا الوحده يبيعوها تاني ويستولوا علي المقدم والأقساط؟!!
ومشغلين سلطة مين السابق والأسبق وكله بيحمي كله والمال يشتري كل شيء ؟!!
مش هي دي شركات البر وبناء الجوامع والكنايس ؟!!!
بناء جامع اي وأنت بتبتز الزبون وتبيع برقم فلكي وتستولي علي شقا عمره وتسجنه لو لم يدفع
هو ربنا بيضحك عليه؟!!
وشركات المحمول
مش برضه شركات المحمول دي اللي بتسرق المواطن وتغشه ولاتقدم خدمة مقابل المال
وكل سنه يتم زيادة الخدمة الدوبل بالأمر وغصب عن المواطن
وفي النهايه يحضروا عوالم يعملوا بهم دعاية من قوتنا؟!!!!
اتقوا الله!!!
شهيرة النجار
and then