إياكً تقول ماليش قيمة ؟ اسمع دي

دي عربيه إيطالي ماركه إسمها (مازيراتي) ماركه كده محترمه بس عيبها هو إنها قليلة شوية و صيانتها صعبه حبتين

المهم إن العربية دي كانت ملك لشخص سعودي و اتعطلت علشان مافيش قطع غيار و مافيش حد بيفهم فيها و مع الوقت العيب بقي آتنين و العطل بقي أعطال و اللي زاد و غطي ان حصل حريق و العربية اتحرقت و اتحولت إلي خرده لدرجه إن مكتوب عليها زي ما أنتوا شايفين كلمة ( تالف) يعني مالهاش لازمه و البارومه مسكت فيها و كده العربية دي مالهاش أي تمن و لا تساوي اي سعر لأي شخص و مش ممكن حد يرضي ياخدها حتي لو ببلاش
لكن الغريب و العجيب إن الشركة اللي انتجتها طلبت ان تشتريها من المالك؟؟

بكام حضرتك ؟؟ ب ٣ مليون ريال سعودي
أيوة زي ماقريت كده ٣مليون ريال سعودي.

طبعاً هاتستغرب إزاي يدفعوا فيها مبلغ زي ده ؟؟
طبعاً لأنها ( غاليه على الشركة) اللي انتجتها لأنها إنتاجهم !!
حتي لو إنت شايفها خرده لكن هم شايفينها جميلة و تحفة و تستاهل أكتر من المبلغ ده
و ها يرجعوها جميلة و غالية !!

(إنت برضه كده) لو شايف نفسك خردة تبقي غلطان لأن الله إللي صنعك و ابدعك شايفك غالي و تستاهل فوق ما تتصوره!!

لو أنت شايف نفسك( سيء ) هو شايفك قمة الإبداع
لو شايف نفسك أنك (مهمل) في الحياة و لا أحد يهتم بك تبقي غلطان لأن الله عينه عليك طول السنة و طول العمر بس إنت أنظر إليه .
لو شايف إنك خلاص( اتحرقت) بنار العالم و خيانات الأصدقاء و تخلي الأقارب عنك و من وثقت فيهم اوعي تقلق لأن الله سندك و هايعيدك إلي الحياة بمجد أعظم

كل إللي عليك إنك تلجأ لله إللي صنعك و ألقي نفسك أمامه و قول له أنا زي العربية الخرده دي و إنت يارب أحسن من المصنع الإيطالي بتاعها
من فضلك (رجعني تاني) لحالتي اللي خلقتني عليها لكي أتمم الهدف الذي خلقتني و اوجدتني في هذه الحياة من أجله .

شهيرة النجار