إياك أن يدخل الشك فى قلبك أن كل ما يحدث لك هو بأمر الله

وبإرادة الله فاصبر واطمئن وأعلم ان كل من ظلمك بكلمة أو بفعل أو بنظرة لن يغادر الدنيا دون أن يقتص الله لك طالما أنك فوضت أمرك لله ورفعت شكواك لله فلابد أن تكون قوياً بالله ولا تيأس ولا تحزن وقل يارب هتلف الأيام والله .. وهتعرفوا إن كل خساره في حياتكم كانت مكسب وكل منع كان من وراه نعمه وفضل وكل حاجه اتصرفت عنكم كانت شر مش كل الناس بتشوف الحكمه من الظواهر إللي شكلها وجع وباطنها رحمه وخير ولا كل إللي بيشوف بيفهم الرساله..ثقوا إن رب الخير لا يأتي إلا بالخير وإن كل ابتلاء في باطنه رحمه وإن كل مطب في طريقك ، وإن كل حد وحش ، وإن كل وقعه ، وإن كل خبطه .. والله من وراها خير و رحمه وإللي يقع منكم في الطريق بيقع عشان أنتم تستاهلوا أحسن من كده و هيجيلكم بداله حاجه تليق بصبركم ، ربنا عالم بكل خدشه مداريه جواكم وهيجبركم والله ويبهركم بعوضه..حاول تبعد عن اي نفس مريضة وغير سوية، متضيعش عمرك كله وإنت في موضع الإتهام ، بتفسر نواياك، وبتشرح تصرفاتك، وبتوضح وجهة نظرك واخرتها برده بيشوفوك وحش وغلطان، فيه ناس كدة وهيفضلوا طول عمرهم كدة ميعرفوش يبقوا متصالحين ودايما سوء الظن عاميهم، وسوء الظن بيعمي صاحبه ومبيخليهوش يشوف أي حاجة كويسة إنتَ بتعملها وكل تصرف هتقوم بيه هيشوفه من منظوره هو ومن سواد قلبه ، ف معلش يعني إحنا مش جايين الدُنيا دي عشان نتحمل فساد قلوب الغير، وإحنا كفاية قوي علينا همنا مش ناقصين هم تاني فوقه..اريد ان أقول لك فى النهاية طالما أنك التجأت لله فاطمئن جداً جداً فربك قادر أن يغير حالك لإحسن حال

شهيرة النجار