مش متخيلة إن اللي كتبلنا مسلسل تحت الوصايا السنة اللي فاتت بكم العياط والمشاعر الحزينة اللي فيهم نفس الناس اللي بيقدمولنا السنادي الكوميديا الجميلة دي ” أشغال شقة”
خالد دياب وشيرين دياب موهوبين بجد في عندهم تنوع رهيب مسلسل أعمال شقة من ألذ وألطف الحاجات السنادي
الحلقة الواحدة قادره تخليك تضحك في مشهدين تلاته بصوت عالي مع ابتسامات دائمة طول الحلقة
كوميديا قائمه على المواقف والأحداث المتتابعة الكل سايب ايده خصوصاً ثنائية هشام ماجد ومصطفى غريب مشاهدهم مع بعض رهيبة بجد مع مشاهد أسماء جلال وشيرين وانتصار وإيمان السيد وأنعام سالوسة كل القائمين على المسلسل بجد رايقين تحس إنهم جايين يتبسطوا ويبسطونا المسلسل لحد دلوقتي ينفع لـ التجمعات العائلية و قعدة الصحاب وحتي لو قاعد لوحدك هتتبسط لأنه خالي تماماً من أي إيحاءات أو ألفاظ بلا داعي و مافيش أي حزق أو أفورة أو محاولات لشد الضحك منك عافية كل حاجة في المسلسل بجد لطيفة ولذيذة
شاهدت بناء علي نصيحة صديقة الحلقة الثامنة منه وجدت كم كوميديا صحيح كانت حلقة مسروقة من افيهات الفيس بوك ومواقف معروفة لكن مكتوبة بتجانس حلو
أنا شخصياً كنت بتوقع المشهد اللي بعده واللي بعده يمكن بحسي الأدبي
لكن حلو مش وحش لامم مواقف معروفة وناسجها
اعتقد دا هينضم لمجموعة مسلسلات كوميديا الزمن
أول مرة الثنائي ينفصل تماماً
شيكو وهشام ماجد بس حلو ومعقول
شهيرة النجار
and then