الخميس, فبراير 29, 2024
دفتر احوال مجتمع مصر

اعتراف رفيع عن حريات الساحل الشرير

شارك المقال

كتبت إحدي المترددات علي الساحل السحل الشر حرفيا

أنا مبحبش الساحل أو ما يسمى بالساحل الشرير
مبحبش أي مكان يحطني في اختبارات طول الوقت مضطرة أثبت أني شيك وإن عربيتي أحسن من عربية شاكي وباكي ومش حابة فكرة ان أشرب قهوة ب ٢٠٠ جنيه لمجرد إن اسمها الثلاثي مكتوب فلات وايت ويز ويبد كريم سولت كارميل توبينج ويز نو شوجر آدد
ايه ده والله وليه لازم أعوج بؤقي واستخدم لكنة
أنا مبحبش اصلا آي حاجة فيها قواعد أو اي حاجة فيها القطيع بيعمل كده فلازم أبقي في الصف معاهم
الحرية مفروض تزيد مع زيادة الفلوس مش العكس
اللي شايفاه أن الحريات اللي بتزيد هناك هى حرية حمادة وكارلو أنهم يأخذوا عربية بابي ويدهسو خلق الله
أو إن مدام شاكينام تمرمط عسكري مرور غلبان عشان اتجرأ وسألها عن الرخص
لكن أنت مش حر تلبس براحتك أو تاكل براحتك أو حتى تختار العربية اللي تريحك
أنت لازم تتبع القطيع وتركب معاهم الترند أحسن يدوسك
لا ونقعد على ترابيزة نتكلم عن الحريات والإنسان اللي مالوش عنوان

شهيرة النجار

Welcome to حكايات شهيرة النجار

Install
×
error: تحذير: غير مسموح بالنسخ